►►موضوع شامل عن المرحوم الامير طلال الرشيد من مجهودي◄◄

"ذهــول الــلــقــا"
انتهى الموعد..وانا تو ابتديت
اجمع احساسي من ذهول اللقا
ذبت من نار الحنان ..وما دفيت
والشتا ضيع ظنون اللي لقا
تهت..وبرعشة يديها اهتديت
وش قضى من عمر حلمي؟؟وش بقا!!

اهتني..واذا نوت تمشي ..شكيت
..للزمان..بساعتي طول الشقا
وين بلقاها بعد هذا ..وليت
ضاع معها الوقت..بذهول اللقا



"طــفــلــتــي"
طفلتي ..قد كتبت اسمك بما وانمحى
فوق يمك..بهمك..كان دمك يسيل
تلمع الشمس في خدك..واشوف الضحى
وارفع الليل من جفنك..واشوف النخيل
فيه طفل بعيونك ..لا نويتك ..صحى
واوقض بداخلي ..شيمة كريمٍ أصيل
ارسل احلى الكلام..ولا وصلك استحى
ما بقى صوت يحملني ..صهيل وهديل
كل ما جيت ابأصل..يم نورك..نحى
مثل شمسٍ ..على ليلٍ وفي..تستحيل
آه يا هم عمري..وش بقى ما انمحى
كل ما اكتب على الما ..لك رسالة ..تسيل




"كــل الــســحـــاب"
كل السحاب ..اللي تحت الثرى..مسجون
وكل التراب..اللي رقى متن السما..ظامي
وكل اليدين اللي غدت..لجل السلام..عيون
تملا الكفوف من التراب..وتحثي احلامي
وكل الشتاء..لو يجتمع في ليلةٍ..ويكون
لو ألبسه كل الحرير..ارتجفت عظامي
حبيبتي مالك محب..الا انا المجنون!!
ذنبك انا ..وانتي معي تكفير آثامي!!
من قال لك ان البدو..بيت شعّر وضعون
ما قال لك شيمة هلي..وافين وكرامي!!؟؟
انا اول بدوي خلقه الله ..قبل الكون!
وانا آخر بدوي بقى ..آتيه بهيامي!
ما به ثرى..يسكن تحت وجه الثرى..مسجون
وما به سحابٍ..لو سكن تحت الثرى ..ظامي