فديت روحك

/
\
/
\


قلبك عيوني ... كان باقي معي قلب
__________ والقلب قلبك وانت ساكن عيونه



وحدي بروحك وانت في داخلي ركب
__________ كاسب غلاك بقيدك اللي أصونه



زحمة مشاعر تعشق الشدّ والجذب
__________ والشوق سيلٍ مقبلٍ في طعونه



هيلك جنوبي .. فاخر الدم ياصعب
__________ وصدرك شمالي تحتويني فنونه



ماشفت شمسٍ بالسما شارقه غرب
__________ إلا انت ياسحرالشروق وجنونه



أنت الملك والنبض حولك هو الشعب
__________ والعرق سقفك والحنايا حصونه



دونك مساءات الفرح تنشطب شطب
__________ والحزن يكتب بالمسافات لـونه



آنا (الليالي) و(الشتا) وعكة الدرب
_________و(قمرا)(ربيعي) حلم بآموت دونه



ماغيرك أحدٍ .. صمته يزيدني صخب
__________ ولاغير صوتك راقني في لحونه



ماغيرك انسانٍ سرق خاطري غصب
__________ ولا غيري انسانٍ تضمك جفونه



( فديت روحك ) تنقصر فيك يارحب
__________ ولاحد يطولك لو تمادت شطونه



روح الكلام بحضرتك تشهق الكرب
__________والكون يصغر والخجل في ركونه



بين السما والأرض مكتوب لي ذنب
__________ أتعلق .. بقطرة مطرك الحنونه



إما .. سقينا هالفضا ماينا العذب
__________ والا .. شربنا جدبنا من شجونه



يعني : أنا ماني أنا وانت بالقلب
__________ يعني : بدونك كيف تبصر عيونه ..!!


/
\
راقت لي