انـت تـدري عـن ظروفـي حـط نفـسـك فــي محـلـي

هذي قصيده اعجبتني وحبيت اعرضها لكم
واتمنى انها تصل لمستوى الذائقه لديكم

يـا محمـد غبـت عنهـا اسـبـوع مــن بــاب التغـلـي
ودي اعـرف واكتشـف عـن حبـهـا لــي واختبـرهـا
يــا مـحـمـد سـبـعـة ايـــام عـجــاف بـــدون خـلــي
شـفـت فيهـاالـويـل وعـيـونـي مـلازمـهـا سـهـرهـا
سبـعـة ايــام الـكـدر مـــا راح عـنــي مـثــل ظـلــي
شلـت كـل هـمـوم خـلـق الله وعـايـش فــي كـدرهـا
رحــت ادور للتـسـلـي.. ويـــن ابـلـقـاه التـسـلـي ؟
اخرج من البيت هايم.. والقى نفسي ابرم في قطرها
طفـت شـارع بيتهـم... مـا غيـر مقـبـل بــه مـولـي
الـشـوارع مظلـمـه.. والـقــى بشـارعـهـم سـفـرهـا
ودي اسـمـع ذكـرهــا لـــو مـــن عـــذول بالتـبـلـي
مــو مـهــم الـلــي يـقـولـه.. الـمـهـم انـــه ذكـرهــا
شفـت اخوهـا صدفـة واقـفـى يـرحـب بـعـض كـلـي
بعضـي الثانـي همـس بأذنـي!.. تنشـد عـن خبـرهـا
قـمـت اهـلـي بــه وانــا خـايـف لـسـانـي لا يـزلــي
شفـت شعـره فـي ثيابـه... قلـت هـذي مـن نـثـرها؟
وانكـسـف مـنـي.. تبـسـم لــي.. ونـاظـرنـي بـغـلـي
قــال: تــوي كـنـت بالصـالـون والـنـاس اشكـثـرهـا
قلـت: فـعـلا!! شـفـت هالصـالـون بالـنـاس امتمـلـي
والله انــه يـكـذب الـكـذاب.. وانـــه مـــن شـعـرهـا
اعرفه مـن ملمسـه.. مـن ريحتـه.. مـن لونـه اللـي
مـثـل لــون الـعـود.. حـمـره مــع ســواد يشتقـرهـا
شلتهـا بالـدس فـي جيبـي وانـا مــا اشفـيـت غـلـي
ودي استـمـتـع بملمـسـهـا وريـــح مـــن زهــرهــا
قــمــت ودعــتــه.. وليـلـتـهـا عــذابــي مسـتـغـلـي
طـول ليلـي حاضـن الشعـره واناجـي فــي صـورهـا
سبـعـة ايــام.. وانـــا فـــي داخـلــي ربـــط وحـلــي
اعـزم الفيهـا واهـون.. خايـف اسبـب فـي ضررهـا
بـعــد سـابــع يـــوم مـــن هـــم بقـلـبـي مستـحـلـي
اتصـل بــي واحــد سـاكـت ونفـسـي فــي ضجـرهـا
قـلـت: الــو!! وش فـيــك؟؟ رد يـــا جـعـلـك تـغـلـي
كـنـي اسـمـع صـــوت ليـمـونـه بـفـمـه يعتـصـرهـا
واهمست: وش سهـرك للحيـن فـي وقـت امتتلـي؟؟
قلـت: طيفـك لعنبـو جـدك!! وضحكـت مــن فخـرهـا
واهمسـت: الحيـن اجـي واخبـرك عـن دقـي وجلـي
قلـت: معقولـه!! وقالـت: نـار شـوقـي مــا اقتـدرهـا
جـــت وهـــي متخـفـيـه صـبــح بـلـيـل مسـتـظـلـي
كنـهـا تحـسـب خطـاهـا مـيــر يفضـحـهـا عـطـرهـا
قـمـت مـانـي فــي شـعـوري كــل مــا فيـنـي يهـلـي
كـنـهـا المتفـضـلـه بـانـقـاذ روحـــي مـــن بـحـرهـا
تـرتـجـف فـــي قـلـبـهـا خــــوف تــولاهــا تــولــي
تنـفـض ايديـهـا ويتـقـطـع نسـمـهـا مـــن حـذرهــا
قـالـت: انــت اشـفـيـك متـغـيـب جـفــا ولا تـخـلـي؟
قـلــت :لا هــــذي ولا هــــذي ولا حــتــى قــدرهــا
مـيـر انـــا كـثــرت جـيـاتـي وخـفــت انـــك تـمـلـي
سلهـمـت بعيونـهـا ..عـضـت عنبـهـا مــن قهـرهـا
واخـبـطـت بكفـوفـهـا صـــدري ودمعـتـهـا تـهـلــي
قالـت: اقسـم لــك بــرب البـيـت شوفـتـك انتظـرهـا
قلـت: اجــل وش وخــرك وانـتـي لعنـوانـي تـدلـي؟
لا يكـون انـه جفـا؟؟ قالـت: حشـا..وارخـت نظـرهـا
انـت تـدري عـن ظروفـي حـط نفـسـك فــي محـلـي
بنـت مثلـي خارجـه مـن بـيـت اهلـهـا وش عـذرهـا
لـو قـدرت اليـوم اجـي والقـى عــذر مقـنـع وحـلـي
مـــا مـعــي كـــل يـــوم حـجــه لأهــلــي ابـتـكـرهـا
وجـــه مـثــل الـصـبـح يتـنـفـس بـنــور مستـهـلـي
فاتنـه.. واجمـل بنـات الـكـون مــا تـسـوى ظفـرهـا
جـيـدهـا الـفـتـان نـــور مـــن زجــــاج مسـتـجـلـي
لــو لمـسـه ابهامـهـا بصمـتـه تبـقـى فــي بـشـرهـا
مــــن شـفـافـيـة جـسـدهــا والـنـعـومـه والـتـجـلـي
أي شــي تـشـربـه يـنـشـاف نـــازل مـــن نـحـرهـا
والله ان الـلـي ببـالـك يــا محـمـد مــا حـصــل لـــي
ذبــت واروتـنـي عـفـاف وكــل مــا فيـنـي شكـرهـا
مـا منعنـي غيـر طيـب اصـلـي ولــي قــدر امتعـلـي
واللـي ادهـى مــن كــذا خـفـت انــزل مــن نظـرهـا
قـمــت اودعـهــا وانـــا شـوقــي يـزيــد ولا يـقـلـي
لحـظـة هـــدت فـــرح سـاعــه وبـالـكـود افتـكـرهـا
بــعــدهــا عـاهـدتــهــا بالله حـــرمـــت الـتــغــلــي
تـوبـه اتغـلـي ونــار فراقـهـا مــا اقـــوى سـقـرهـا

منقووووولة

نور الدنيا
الله عليك وعلى الحضور الرائع
هذا ماتعودناهـ منك
انتقاء مايلامس دواخلك
حتماً سوف يصل الى دواخلنا
لانك تملكين ذائقه عذبه
يعطيـــــك الف عاافيه يارب

الله عليك
وربي رووووووعه
تغيبي ورترجعي لنآ بمآ يشفع لغيآبك

نوآرهـ
حضوورك دآئمآ غير
لاتحرمينآ هالذآئقه الفذه

يسسسعدك ربي
ابيات حيييييييييل روعه
لاعدمناك

ابيات رااائعه

وانتقاء عذب ..

سلم نبضك واحساسك الجميل ..

ود وتقدير ,,,

الله يهنيهم ببعض ولايفرقهم
ولاتحول العواذل اللي كل ابونا نهابه...

من أروع وأجمل مانظرت له عيني..
وأطرب مسمعي حد الجنون
ذائقه متميزه
لاتحرمينا هذا الرقي
شكرا حزيلا

بَوحٌ زَآخِرْ بالإِبْدَآع
ذّآئِقَتُكِ بِخَيْر يآ نور الدنيا
سَلِمَتْ يمْنَآكِ

يالله حي نور الدنيا
مانقلتى الا المميز والجزل
صح قلبك ولسان شاعرها


تقديرى واحترامى

ابيات رااائعه

وانتقاء عذب ..

سلم نبضك واحساسك الجميل

[align=center][table1="width:95%;"][cell="filter:;"][align=right]
الله يا زينك يا نوااااارتنا ،،
قصيدة حلقت بنا لحدود الحلم الوردي ،،
حب من نوع أخر ،،
قصيدة عشت معها بكل دقات القلب ،،
[/align][/cell][/table1][/align]

صح لسان شاعرها
وسلمن يدين ناقلها
نور الدنيا
الله يعطيكـِ العافية