ما فادني يا شين كثرة حكاويك ..................بعض الكلام يمر ما يندرى به وبعض البشر في خوته ما يهنّيك .................. يقذيك لين النفس تكره عتابه وبعض البشر همّه بدنياه يوذيك .................. لازم يكدّر صفوتك لو درى به وبعض البشر لا صد وأصبح مجافيك ..................يبعد عن القلب الحزين الكآبه وبعض البشر ضايع ولا هوب يعنيك .................. ما عاد يفرق بالحضور وغيابه والبعض يطمع لين ياطى بأراضيك ..................أضرب على يده وعجّل عقابه ودنياك لو فكرت ما عاد ترضيك ..................تعيش معها غربتك في غرابه وبالك تراعي واحد ٍ ما يراعيك ..................الذيب ما يصبر على كسر نابه من لدّ لك بالعين لدّه بعينيك ..................ومن صد عنك لا تحسّف ذهابه ومن مدّ لك باليد مدّه بيديك ..................هاذي مثل هاذي وغيره معابه يا ليت بالكلمه نلوك المساويك ..................حتى تناسب للسوال الإجابه كلّ القلم من كتبتي في مساويك ..................ومليت من كثر الشعر والكتابه هذا زمان الثور والبوم والديك ..................تخلّف الله دوركم يالذيابه يا شين وش هي غايتك في مساريك ..................ما دام أعدك في صفوف الهلابه ما عدت أبالي علتك كيف أداويك ..................ولا عدت أجدد للعفون الطلابه حق الخوي فاتك وضاعت هقاويك ..................وقت اللزوم احتاج محد ٍ أجابه واليوم عما فات لازم أجازيك ..................نذر ٍ عليه غير أوفّي حسابه يا لعن أبو دنيا تحدك وترميك .................. تلزمك في رفقة قليل المهابه شربي قراح وكدّرنه مواطيك ..................هذا الصحيح ولا نكدر شرابه يا شين ما تفطن تراني مخلّيك ..................واعتضت عنّك عزوتي والقرابه حنا هل الطولات انشد وأنبّيك ..................يوم أن جدّك راقد ٍ في ثيابه لا كبرت القالات بالفعل نكفيك .................. أهل النقا والطيب لو ينحكى به هم فزعة المضيوم لا احتجت تغنيك ..................أنعم بهم وأكرم بهم خير لابه ومن فضل ربي شيخنا فوق عاليك ..................أبوي ما صكك عن الناس بابه
العضو الأكثر نشاطاً هذا اليوم 
العرض الشجري
