تبطي عـــظم

أتعبت نفسك صبر وارهقــْـتها شوق
ودّك تكلّمنــي وترفـض تبـادر

هذا الحكي واقع ومــثبت وموثوق
واذا على المصدر فعندي مصادر

قالوا: بإنك حيل مشتـاق وتـّوق
تسمع لصوتي آخر الليل خادر

بس انت مشكلْتك تطالع على فوق
يعني لو انّـي حدْر مانته بحادر

فوقيــتك هذي تسبّب لنا فــْـروق
إمـّـا تنــازل لـي وإلاّ فغـــادر

مادامني في مُنتهى الطيب والذوق
وانسـان متواضـع وصادق ونادر

بقاومك وان كنت مُـغرم ومطفـوق
نفسي علي ألزم لو الدمْـع هــادر

ماني بمستسلم ولو كنت محروق
قادرلو انــّي معك مــاني بقــادر

هذاعشان تـّوب وتبــطّـل عقوق
وتعرف بإنّ الجرح وارد وصادر

إمّـا تبــادر إنـت وتـدقّ وتــْروق
والاّ فـتبطــي عظـــم مـــاني مبـادر


أتمنى ان ترتقي لسمو ذائقتكم