على عمرنا اللي ياكبر عبرتي

[poem=font=",6,orange,bold,normal" bkcolor="black" bkimage="" border="double,8," type=2 line=0 align=center use=ex num="0,black""]

على عـمـرنـا اللـي راح يـاكـبـر عـبرتي=من الـعـام عـيني مايـغـــمـض نـظــيـرها
لو الـدمع يحيي يافـهد هالك العرب =تسيل المدامع لين ينـشف غديرها
ولكنها عـبرات حـزن(ن) تضايقت=بروح(ن) تـبـاريـهـا الـهـمـوم وتديـرها
اذا هـلـت الـعـبـره من الـعــيـن بـردت=لواهـيب مطـعـون الـقـلـوب وسـعـيرها
لنا يـافـهـد عـن ظـلم الاجواد مـخـرج=وعن كـسب عـنـز الـقــوم والا بعيرها
وترى الظلم يقـطـع يافـهـد دابر العـرب=ولو كان في عـفـن الـنـفـوس وحـقـيرها
أيا جرح قلبي يافهد كان مال بك=زمانك وسيف القوم فـارق جفيرها
وناديت خـلان الـرخى ساعة القسى =وراجيت روس الـقـوم تعلن نفيرها
وكثرت وعـايدهـم وضاعت عهودهم=وهابـت سباع القوم سطوة حميرها
الا ليت راسي يافهد وقت ضيقتك=قريب يشم من النسايم عبيرها
لك الله يلو ذقت الجفى قبل ترتحل =حياتي وسيف الموت يـقـطع مسيرها
كفيتك عنى الدنـيـا الدنيه وقـسـوته =ورجوى صغير الـقـوم والا كـبيرها
وعـن وقـفـتـك في باب رجـلٍ طـبايعه=كـمـا طيرة بالليل تسمع صفيرها
وأيا خوف قلبي تطـعـنك حـربة الزمن=مع اللي تـخـلـي بالـقـوايل كسـيرها
وانا تحـت خـمـس اشبار بالحـفرة التي =بها الروح تدري وش نهاية مصيرها
اخاف الخطايا وادفع الخوف بالرجى=رجى اللي ضمن للخلق عيشة فقيرها
يزود الرجى لاصار في خالق الـملا =ورجوى كـفـوفٍ بالـمـلا فاض خــيرها
أنـا فـي جـواره وانت في جـيـرة الـذي =يحـدك عـلـى شـمـس القيوظ وهجيرها
فـيـاطـيـب جـيرتـنـا ويـاشـيـن جـيـرتك=مثل فـرق مكـفـوف الـعـيـون وبصيرها
لنا في جـبـل حـايل بالامجـاد رايه=مع اللي تصون اهل الحقوق وتجيرها
جبالٍ غـدت بكـفوف ربعي هل الندى=فـيـاضٍ مـع الـذعـذاع تـنـثـر عـبـيرها
ولا داج حوله كـود ضـيــفٍ بغى القرى=قـرى غـرسـةٍ يـنــثــر لـلاضـيـاف مـيرها
وبالغصب محدن هـان جـاله من العدى=ولا داس بالـرجـلـيـن طـاهـر حصــيرها
خـذيـنـا الندى بالبذل في ساعة القسى =وفي نـصـرة الـلـي غـاب عـنـها نـصـيرها
وطبع يسوق الروح عن مجلس الردى=وعـزم يدوس من الشدايـد عسيرها
اذا قال قايـلـنا عطى الصدق والنقى=ولا هاب حـضرة شيخـها مع وزيرها
وعند العهد نـصـدق ونـوفـي هل الـعهد=والاكـوان حــزنــا بالـحرايب شـهـيــرها
وفــي حــربـنــا كــل الـمـخـالـيـق تجـتـمع=يجـيــبــون وراد الـعــرب مـع صــديـرها
تجـي من وراء الـبصرة اليا نـقرة الحساء=ونـذبــح بـشـيــره ثــم نـعـــتـــق نـذيـرها
لان الـقـــبـيـلـه مـاتـواجـــه هـل الجـــبـل=سـبـــاعٍ طــوابـيــر الـعـــدى مـاتذيــرها
لكـن جـراد الـصـيـف لاطـار واجـتـمع=على الداب يـتـعـب قـبل يـفـني كثيرها
ومع كـثـر جـمــع الـقـوم نـطحـن نوادره=ونـكــرم حــرايـرهـا ونـاخــــذ حـريـرهـا
وعلى الدين والـتـوحـيد من بعـثة النبي=والاصـنــام مـاســافــر لحـايـل خـبــيرها
من ايـام حــاتـم عـقـب قـيس بن شمر=وثـورة فـرزدقــهـا وصــولـة جــريــرها
ولا فـيــه قـبــرٍ تـرجــي الـنـــاس نـفـعـه=ولا حــرمـةٍ بالـلـيــل تسـمــع جـعــيـرها
مـنـايـر مـسـاجـدهـا كما الظـلع لا زمى=وفـيها دروس الـذكـر تسـمـع هـديـرها
واذا في يـمـامـة نـجـد قـبرٍ يطـاف بـه=يـزوره هـبـيــل الـقـــوم والا غــريـرها
عـلام الـصـنــم فـي نـجد والكفر عندنا=وش اللي يكـفـرهـا لاجـل فـعل غيرها
وتاريخ بن سـلـوم يكـشـف لـك الخـبر=وماسـجـل ابـن خـنـيـن بـظـلال بـيرها
وقول اليزيدي وابن راسي وابن سنـد=وماقــالـه ابـن مـويـس يـنـهـي صريرها
وماقـالـه بـن سـحـيـم فـي حالة العرب=ومن غــر مـن نـظـــارتـه يـستـعــيــرها
وجواب الـيـزيدي ينهي الهرج واللغط=ويـفــرق حـصـيـلة قـمـحها عن شعيرها
ولا هـمنا من ضاق صدره وذمنا=من الـلـي يـهـذري بـالمجـالـس سفـيـرها
ولا اقول حـنا خـير من جـملة البـشر=والاجــواد مانـجـحــد نــداهـا وخــيرها
ولـكـنـنـا حــزنــا مـن الـــمـجــد نـقــوتــه=ودسنا من اصناف الـمـعـارك خطيرها
وهــذي تـواريــخ الاجــــاويــد شـــاهـد=من اللـي تخاف الله وتدرى ضـمـيـرها
ولا هـرجة الـلـي كـنـهـا وسط ملـعـب =يـدافـــع مـهـاجـــمـهـا ويـهـجــم ظـهـيــرها
[/poem]