®»البرجيمــه«®

[align=center]؛

حضوري الأول معكم شاكرا ً لله نعمة مبدئيا ً ارتياحي لما رائت ولمست

في هذا المكان شاكر اخي فواز الغسلان على الدعوة الكريمة وتسلم

يا ابو فهد تسلم ويسلم كل من قام بالترحيب ولو بحرف 0

؛

[poem=font="MS Dialog,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
والله أنه عادتي ما داني ألتعتيمه =وأضح أوضح من وضوح الشمس فالقيالي

بعد أصلي ركعتين أختم لها تسليمه =و أطلب الله فالقبول وصالح الاعمالي

سبع من عمري تحت نور القمر والغيمة=ما عرف أن الشمس فرعي لين أشوف أظلالي

ومن بعدها سبع أخذت مع الزمن ترنيمة =صرت أعرف اللي ألي واللي عليّ الحالي

وسبع تقفاها عرفت أن الزمن تقسيمه=شلت فيها بعض ما كبه لي الجمالي

وبعدها سبع ٍ تطارد مع صفاها ديمة=نوب ما يحلى لها و مرار ما يحلى لي

كل دقة فالسنين الأولة تعليمة=ما يعرف المر غير اللي يذوق الحالي

أحسب الليمون غير ولا يحال الليمة=واحسب إن اللي ضحك لي من شفاته غالي

أثر حتى فالشجر من يقبل التطعيمة=وفالاوادم من يطعم والردى به كالي

من يبور الصاحب الطيب تراه أبهيمة=راعي النمات ساقط وأرذل الارذالي

والله انه مقلطه بين الرجال أيضيمه=و خسارة من تحسبها عنـدها رجالي

ومن مسح في جنب ثوبه واجب التكريمه=ولا عزم ضيف السعد ما هو بطيب فالي

ولا يخونك يا الحبيبة غير هافي قيمة=والله إن الحب ماهو لعبة الجهالي

تحسبن الحب بالبلتوث والترقيمة =يا ملوثة الهوى يا سم منكم حالي

وش مبقي ذكر وافي غير شيمة شيمه=أستقم بالمختصر خل المشي طوالي

وكان ما تـقدر على قلبك عطه تحجيمه=قبل لا تقعد تهوبل فالخلا وتلالي

وحط راسك فالسطل لن كان به تنسيمة=ما عليك تصير كنك وارد الجفالي

كل شجره هزها ريح وهبوب أليمه=يحترك فيها الغصون وكل غصن ٍ مالي

يا مساء همس الشفاه وشامته ورقيمه=يا رقيم الحيها الأخضر محط أمالي

العمر مثل الظلال اللي سريعا ً تيمه=ما دريتي ويش من سبة غرامك جالي

معطين خط البهيتـه لين عند الزيمه=وما خذن خط الجموم ومشغل ٍ جوالي

وفالوعد مافيه تاخيره ولا تقديمه=و أصلك لو إن عندك حاضراَ قتالي

مونسن موتك وطاعونك قبل تحريمه =وبعد ما ذقته تساوت نكفتي وقبالي

قبل تومي بي كما اللي يومي البرجيمه=زيني مجلاس من غـنا براس العالي

ما طويت من الغلا إلا مالزمت بسيمة=ومالزمت إلا سبيب المهرة ألشلالي

كني أروح ريح شعره يوم فك اضميمه=مثل ريح الوادي اللي دوب سيله سالي

وكل نسناس ٍ يذعذع يقعده ويقيمه=وان وصل فوق الهدب كنه يريد إذلالي

طاح فـمعلم طناخة مايبا تعليمة=أفرقة عن مقدم الغرة عشان أشوى لي

ثم أخذت أبحر على مركب غرام أهيـمـه=لين ما عطتني من التذكار ما يبقى لي

أمس ينشدني أزمامه كيف حال إخشيمه=هزه الشوق الـمحلة هزت ألفنجالي

الهوى قالع طميه مثل قلع الخيمة=مثل قلع الضرس تبقى درس للأجيالي

ثم دورني ليا قالت دلع يا ميمه=أرمي الغـتره عليها بعد رمي أعقالي

وابك عيديها عساني فدوة التنغيمة=نغمتن منها يطاول جسمي الترقالي[/poem]
________

* البرجيمة في بادية الحجاز تعرف في شمال المملكة با المقلاع ؛

ودي لكم [/align]

الموضوع الأصلي: ®»البرجيمــه«® || الكاتب: زيد العتيبي || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات