|
أنت اعتبر ما صار ماهوب مقصــود .. وأنا أعتبر ما صار فرصــه سعيده
السلام عليكم ورحمة الله وبركاته
.. مســا المـسك والعـود والكـادي ..
قصـيدة راقت لي واتمـنى أن ترقى لـذائـقتكم
* .
ليــّن جناب الود يا ليـّن العود
وألطف وأساليب المحبـّه عديده
خل القسـا لاهبّ تستاقه النود
وأحذر بعد ما ساقتـه تستعيده
بإسم الوفا والحب والطيب والجود
الصح عيده والخطــا لا تعيده
عليك حلّ الحبل والحبل معقود
تعقــّدت روس الحبال الجويده
وراك ساكت والسما بروق ورعود
والليل موحش والهبايب شديده
مدري حداك الصمت وأصبحت محدود
وألاّ أنّ صوتك فيه نبره جديده
تنقل كلام شفـاك بعيونك الســود
وفي كل نظره منك .. جمله مفيده
كم قلت لك مأمون والسدّ مسدود
والشك زايل والهقاوي بعيده
خوفي من اهل الرقص والنقص والزود
وبثـّي يا إذاعه وأنشري يا جريده
قلبي لهد كبدي وعبرّت ملهود
وأنته حجر قلبك وكبدك حديده ؟
خليّتني فـ الشعر حاوي ومردود
وعلــّـقتني في باب بيت القصيده
وأزريت أغنّي فيك يا باشة الخود
مما بدالي .. ما بقا لي شريده
جوارحي لرضاك مقتادها قــود
تقول حاكمني بشرع وعقيده
لاشك حكم العشق ماعنه منشود
وحكومة العشــّاق ماهي رشيده
أنت اعتبر ما صار ماهوب مقصــود
وأنا أعتبر ما صار فرصه سعيده
ودي ..
|
العضو الأكثر نشاطاً هذا اليوم 
العرض الشجري
