[poem=font="arabic transparent,6,green,bold,normal" bkcolor="black" bkimage="" border="inset,5,green" type=1 line=0 align=center use=sp num="0,black""]
يالله دخيلك بالعرب مالنا اصحاب=يالله دخيلك بالملام ذبحونا
تاقف مشاريه الموده بلاعتاب=من الحيا ترتاب وهم طعنونا
تدرون ان الطيب تثني له رقاب=الطيب مثل الغيث تهمل مزونا
نمشي على الموت الحمر لجل الاحباب= ونرخص لهم بالروح يومًٍ نخونا
كنت أنظر لـ .. بعض الملا نظرة اعجاب=في ذمتي بعذب الكلام اخدعونا
وتاه الزمن مابين خادع وكذاب=بسهام غدر ٍ في قفانا رمونا
من حرها توجع كما لدغة الداب= لو بيدهم حتى الحياة احرمونا
صارت كلاب السوق في وقتنا ذياب= وسط المهالك والبلاوي جدعونا
وين الوفا لاصار راعيه نصاب=تضيع المبادي وبالهقاوي خذلونا
يهمل عزيز الدمع من بين الاهداب = بسباب ناس ٍ بالكلام احقرونا
حضورنا مثل العدم عدنا غياب= بكاس المذله والاهانه سقونا
على الردى والسوء تلقاهم احزاب = الله يجازيهم جزأ مابلونا
[/poem]
وســــلامتكم
بقلم الشمريه المجهوله
وهذا رد الشاعر
القدير عويد المغيليث الشمري
على متواضعتي
[poem=font="simplified arabic,6,limegreen,bold,normal" bkcolor="black" bkimage="" border="double,6,seagreen" type=1 line=0 align=center use=ex num="0,black""]
يابنت عمي ألعني كـل الاذنـاب=يالعنبـو حـي حيهـم دهورونـا
صحيح والله ماحسبنالـه حسـاب=بـس البـلا بسلاحنـا يطعنونـا
يضحك معانا وضحكته بس بالنّاب=وبظهورنا يابنت عمـي نهشونـا
حتيش لو ان الصله بيننا اقـراب=نعمل معاهم طيب ثـم يجحدونـا
اكبر خطأ لو صنفوهم بالاشنـاب=اشـرار بـس بشرّهـم بلّشونـا
والحقد معميهم عمى ماله اطبـاب=أي والله ان امثالهـم حطّمـونـا
يارب يامنزل تبـارك والاحـزاب=نـاس سعـو بالشـر لايقربونـا
اوجزت ماعندي على صفحة كتاب=في حق نـاس بالقفـى جرّمونـا
[/poem]
للشاعر القدير
عويد المغيليث