[align=center]أسعد الله اوقات الجميع بالخير والمسرات[/align]
[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""] قام القلم يمشي بهون وحافي=ويخط في وجه الورق مايجني
من راس فيه من المشاعر كافي=يعني يقول ومايقوله يعني
الحب يانبع الحنان الصافي=يالجانيه وإلاّ عليها مجني
يانور ياتنور كلك دافي=مغناط .. والمغناط له جاذبني
يالمخمليه يالحضور الضافي=اللي يكدر غيري ويسعدني
كوكب مضيء وماسواها طافي=يحرق نساء الكون كل مايدني
أنفاس ورد وريقها نسكافي=وليان في انحائها يعجبني
لو بالملاقى زدت في إسرافي=لنّك عسل أرجوك لا تمنعني
بغرفك لكن ياصغر مغرافي=كلك مطامع .. والملا يحسدني
مادمت عايش والجسد متعافي=بطيح بينك وانت فز وخذني
الشوق شوفي سطوته بأسلافي=أحرق قلوب وخوفي لايحرقني
لازاد شوقي انقلب ( قذافي )=تقفل خلايا المخ .. ماتقنعني
تجي تجي لنك دواي الشافي=تعال طبب يالحلا وانعشني[/poem]