۩۞۩ أبـيـــات غيــــر ۩۞۩

اقتباس المشاركة الأصلية كتبت بواسطة خالـد صح لسانك والله يبو سعود انت كفيت ووفيت ما بقيت احد :) وين شادن مالها صوت من بين الحضور .//. وين قاطف ؟ ريحة الورد دلّتني عليه شيخ كاشخ نادته روح بيديها زهور .//. من بساتين الغلا يوم حافتْها يديه هاتوا القَهْوه مع الكيك والدلّه تدور .//. واسألوا لي امخاويه وين راحت ما تبيه ؟ جالها واحد يبي العرس هههه مشتاق ويزور ..//.. من حكى بالحب يا بنت قومي واسمعيه هههه يسْقي رياض المها شوق وآهات وحبور ..//.. ياملا السلاّل لبليس فزّي قابليه هههههههه مستحيله وين رحتي ؟هاتي لي فطور ..//.. واغْلي الما يامل القرد بعدين اسكبيه هههههه نجمنا عزّوز كلّه احاسيس وشعور ..//.. الوفا قلبه وجود المكارم راحتيه زارنا بالصبح بسمه وبالعتمات نور ..//.. ارقصي له يالقصايد على ما يشتهيه يعذرني الاخوان الباقين على العين والراس لكن ابو سعود فاجأني وكتبت كذا عالهوى اذا تذكرت اسامي ثانيه بكمل .. ولاهنت شاعرنا ابو سعود تحياتي للجميع

ياهلا والله بأبو خلود .. صح لسانك
وتسلم على هالفزعه , والله طلّعتني من موقف محرج
وكل اللي كتبت أنت فيهم يستاهلون :
( شادن _ قاطف _ شيخ _ روح _ امخاويه _ مها _ مستحيله )
وأهم شيءكتبت في مها لأنها زعلت عليّ

وأنتظر عودتك بالباقين لو ببيت
<<< مورّطك مورّطك
تحيّاتي لك ياغالي

مستحيله وين رحتي ؟هاتي لي فطور ..//.. واغْلي الما يامل القرد بعدين اسكبيه هههههه


تبي فطور هااه تفضل بس لاتنسى تسمي قبل تاكل

ههههههههههههههه اذ خلصت فطور قلي اجيبلك قهوه بنكهة الحنظل هههههه

اقتباس المشاركة الأصلية كتبت بواسطة رَوُحِِ آلَِِسِِمْآء عبدآلعزيز / صبآحك زيزفون صح لسآنك آبيآت رآئعة بروعتك ودللتهآ بحروفك

رَوُحِِ آلَِِسِِمْآء
أوقاتك ود وغلا ..
نوّرت المشاركة بحضورك
وصح بدنك
تحيّاتي لك

اقتباس المشاركة الأصلية كتبت بواسطة بـرستيج ههههه الله عليك ياعبدالعزيز حقيقة فكره رائعه .. صح لسانك ولايهون خالد هههههه صحت ألسنتكم ودمتم على هذه الأرواح اللطيفه : )

لي طبع يفرق عن جميع المخاليق ,, برستيج ماكلّ البشر يعرفونه
حياك الله ياغالي
وصح بدنك .. ومنوّر المُشاركة ..
تحيّاتي لك ..

اقتباس المشاركة الأصلية كتبت بواسطة .. E x i t !! عبدالعزيز صصح لسسانكك ولسان خآلد .. صراححه فكرتها خوقاقيـه ههههه ويستآهلوون الي ذكرتوهمم ^^ ~ ودي

هلا والله بأخوي .. منوّر المُشاركة
تمنّيت إسمك بالعربي عشان أهديك بيت ..
بس خالد أكيد له مخرج مع إسمك
أعذرنا على القصور ..
وتحياتي لك ..

اقتباس المشاركة الأصلية كتبت بواسطة معاني الفرقى معاني الفرقى بلا ذنب وأسباب ,, ترسم بوجهي لمحه وهم واوهاااام تعرف انا داخله وهاجمه هجوم عنيف لكن اول ماشفت النك نيم تبعي هدات يعطيك لف عافيه على جمال ابياتك وروعه اسلوبك وخالد كمان يعطيه العافيه عزوز انتظر منك بيت باسمي الحقيقي "" اسماء "" لاني بحس اني داخله الشعر من اوسع ابوابه ههههههههههههههههههه لكن محتاجه دفعه للامام يعطيكم الف عافيه

حياك الله ياأختي ,, وزين هدّيتي أعصابك
المشكلة لو كان النك نيم مش موجود وش بتصلحي فينا
بس عادي انا أستفزعت بخالد عشان يفكّني
ومنوّرة المُشاركة بحضورك , وتفضّلي :

أسماء تجمع في حروفه معاني .. من كل شهد وكل عطر وعذوبه
تشكّلت للغير صدق وتفاني .. ترسم شعاع الشمس بأجمل غروبه

تحيّاتي لك أختي ..

اقتباس المشاركة الأصلية كتبت بواسطة النوووفي صح الله السانك اخوي عبدالعزيز وخوي خالد عزالله ماقصرتو لاعدمتكم الله يقويكم ويعطيكم العافية

أمير مابه شك وأعذر حضوري ,, يومٍ نسيت أهديك هاليوم بيتين
نايف بتقصر عنك أجمل سطوري ,, ماأوفيك حقك لو بنكتب دواوين

شرفتنا بالحضور أخوي النوووفي ..

تحيّاتي لك ..

اقتباس المشاركة الأصلية كتبت بواسطة على النيه مساء الخيرات صح لسانك عبدالعزيز للآبيآت والروح الجميله دمت بعطآء ونقآء وشكراً لك ,,

أوقاتك خير على النيه ..
منوّره بحضورك مُشاركتنا ..
صح بدنك ياغالية وتسلمين ..
تحيّاتي لك ...

اقتباس المشاركة الأصلية كتبت بواسطة مها السبيعي عزووووووووووووووووووووووز ياااااااااشق جيبي شقااااااه يمناااااحي ابك اسمي وينه لالالالا كذاا انا عرفت قدري وموعيني عندك خلاص مزاعلتك

ههههههههههههههه
يامها والله من كثر الأعضاء ننسى
أعتذر ياأختي ,
وبعدين أنا حطّيت السالفة برأس خالد لاني عارف إني ناسي أعضاء
وخالد ماقصر كتب لك بيت , وتستاهلين , وهذا منّي بعد :

كنت ناسي في مجرّد هالحضور ,, آسف وحقـّك عليـّه يامها
أسمحي لنا يامها
و لاتعصّبين علينا
تحيّاتي لك أختي ..

اقتباس المشاركة الأصلية كتبت بواسطة حبي طلال مابين حُب وهمس يبقى للأطلال ,, ذكرى وملامح حزن للي يغيبي صح لسانك عبد العزيز ماشاء الله أبداع وأسلوب رااائع ......................... أما خالد الله يعينه على البنات ويعطيك العافيه ماقصرت

هلا بأختي : حبي طلال .. صح بدنك
منوّره بحضورك , وتستاهلي إنتي وهمس كلّ خير
وهالبيتين لك خاااااصة لحبّك " للمرحوم طلال " :

من يلوم القلب في حبي طلال ..؟ ,, ذاك عزّالله وحقّ الله " فقيـــــد "
لاذكر بالشعر والموقف رجــال ,, عدّوا الأبرز " طلال إبن الرشيد "

تحيّاتي لك ..

حبي طلال // شحقة الله يعيننّي يمه منج بتهيجينهم علايّ .. يبه آآنا ما سوّيت شي هم كلّه يطقّوني يطقّوني .. بالله شاسوّي آآآآنا .. والله ابتلشت فيهم أأنا



لو بغيت أذكر محاسن مستحيله
.......... إنبلج شعري على روض القصيد

إن حكت نسمة مشاعرها عليله
......... وان تغنّت يصبح العالم سعيد .. !

الهنا طلّة صباحه مع مقيله
.......... في جبينك يا مها عقد ٍ فريد .. !



فاصل ونعود
والآن نترككم مع الدعايات .. <<-- عزوز يستعرض بسروال دروش جديد هههههههه

كاميرا 2 زوووم هنا // << عزوز يمرّ مبتسما بالسروال والطاقيه المشخّله هههههههههه

<<-- خالد يويق مافي فايده بعدين .. يجلد المصوّر .. يقول ليش ما تطلّعني !

نعود عالهوى



يا مخاويه ياليتهم يدرون
.......... وش في ضميرك ليش تخفينه !

بسْم الجمال وبسْمهم يقرون
.......... في لوحة اشعارك عناوينه .. !

لو يسْمعك ميشيل أو شارون
.......... يسْلم على شانك تحبّينه ... !




tell me يا exit وير يو قو now
.......... i need show you what can i making

come here واسمع how شعري how
.......... between مدح ونقد i feeling

بعدين say كلمة عجيب و wooow
.......... وارفع يدينك فوق للـ ceiling



وسلامتكم مممم والله ما حد يقوم ابد ابد خلكم مرتاحين

تحياتي لكل من حضر وشكرا على كلماتكم الجميله بحقي وبحق اخي العذب عبدالعزيز

شكلــكـ بتقعـــدنــي لحتـــى اعنـــس,,,,؟؟؟؟؟
ثــأإأنكـــس عالشعــر,,
حطيتيـــوووة توووقيــــع...

’’تحيـــــــــــأإأإتــــــــــي’’

يعطيكم العافيه عبدالعزيز وخالد
ما قصرتوا

وانبسطي مستحيله مين قدك خالد كتب فيك هالبيتين الحلوين

موفقين يارب

شادن

عبدالعزيز
والكلمات فرحة بروعة مادونت..
ابدعت فكانت الفرحه ملتصقة بالشفاة

كل الشكرلك
شــــــــذا

وهالبيتين لك خاااااصة لحبّك " للمرحوم طلال " :

من يلوم القلب في حبي طلال ..؟ ,, ذاك عزّالله وحقّ الله " فقيـــــد "
لاذكر بالشعر والموقف رجــال ,, عدّوا الأبرز " طلال إبن الرشيد "

مشكوور أخوي عالأهداء الجميل والله يرحم الغالي ويسكنه الجنه