تحياتي لكل من دخل هنا .. وعنى نفسه قراءة ابياتي المتواضعه .. فلا أجد كلاما أكثر .. !
ناصيك يا منْشي غمايم سحابه
.......... مافيه غيرك يا رجا كل طَلاّب .. !
للسيل رمْشي .. ظامي الودّ شابه
.......... والعين قفْرا والهدب ناس واصحاب !
والقلب روضة من لفاه ولجا به
.......... يحْتار سمْعه بين صادق وكذّاب .. !
للعزّ يكْفـخ بالمعاني صوابه
.......... ماهوب شعْر ٍ يطْرقه كلّ نصّاب .. !
يفْـداه من حرّ الشيـاهين لابه
.......... محْد ٍ يقوده غير قطّاع الارقاب .. !
مسكين ياللي يستودّ الخطـابه
.......... يقْضي نهاره بين واشي ومغْتاب .. !
والليل يمْلا بالخثاريق نابه
.......... والصبح يذْبح نشْوته جرْح مخلاب .. !
من طقّ باب الناس يرْمون بابه
.......... لا صار يبْني بالورق بيت وحْجاب .. !
يا طير قــل له خــلّ عنْك الكتابه
.......... ما يدْري انّه لو هجا الكون ماطاب .. !
وانّ الهواوي لو نسى .. الشوق جابه
.......... وانّ القمر ضاوي على الغير .. لو غاب !
وانّ النجم يبْقى ويسْقـط شْهابه
.......... وانّ الهوى يا فاقد الحسّ غلاّب .. !
نعطيك وجـه وْراس مـالك زلابه
.......... نضْحك معَك وانْقفّل بوجْهك الباب !
غرّوك يا سـامع شخير الربابه
.......... تعال واسْمع نغْمة الأورق لا ذاب .. !
فيها صهرْت الميجنا والعتابه
.......... اللون شعبي واللحن راي مع راب !
معزوفتي يخْلع لها الفنّ كابه
.......... كل الطرب فيها جنوني وجذّاب .. !
.... ..... /