مدخل ../
على الوسادة كثير هموم
وأقلّبها بتناهيدي واجي للنوم
ولكنه يخليني بمسافاته أسير اللوم
ومن إحساسي خذاني ..
ومادعاني الا لحنينك
اللي خلاني اسيرك ..
بس ماكنتي معي في لحظة الموعد وجيتي
بعد مامرّت دقايق ,, وشبّ فـ ظلوعي حرايق
وانطفت ناري وانا المحروم
وابتدت رحلة قمر ونجوم
وصارحني مكانك .. بإشتياقك ,, بس ماجيتي ورحتي
تتبعين اشياء تتبعثر حنين بوسط قلبك .
اجمعيني وانثريني وروحي في دربك وانا بأبقى هنا .
جامع احساس الهوى المسكين
وآخذ اطراف الضلوع الحين
واتركني وأنوم ..
سامح الله قلب لين احتجت له
حطني بأقصى المكان وصدّني
دوم يذبحني وانا ماقلت له
وان مسكت اطراف قلبه هدّني
كم تمنيته , كثير اشتقت له
كم تناسيتــه ولكن حـــــدني
اني اكتب له ولا بينت له
اني اشتاقه وانا ماهمني
رتب جروحي وانا رتبت له
منزلٍ بأقصى الضلوع يهزّني
كل كلمة شوق فيني قلت له
وان ذكر احباب قلبه عدّني
اذكر اني بالهدايا اخترت له
قال مابي هالهدايا وضمّني
ما أبي اشتاق بس اعتدت له
جتني الاشواق يومه حبني
ايه اعمى فوق هذا اشرّت له
لمني بأقصى ضلوعه لمني
الأغاني دللتـــني وصرت له
الشعر يبكــــي وانا ماهمني
والأكـــيد اني هنا تمتــــمت له
" ياحبيبـــي روح لكن ردّنــــي "
مخرج | ..
وانادي بصوتي المبحوح .. حبيبي روح روح روح
وازرعني بتفاصيلك ,, وكل العالم احلامه دواويرك
وانا مجروح .. أغني بصوتي المبحوح " حبيبي روح روح روح
لمست احساسي كثيراً
اتمنى ان ترتقي لسمو ذائقتكم
العضو الأكثر نشاطاً هذا اليوم 
العرض الشجري
