ابثْمل في متاهاتِك

[poem=font="arial,6,gray,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]

أبَغْرق في مساحاتِكْ أبَرْوي خافقً ضميان =أبي في صدرِك الدافيء عَنْ الدنيا تغطّيني


ابثْمل في متاهاتِك واعيشِك من "قَبِل " للآن =بجوعك وإنتي بأغصانك على الإشباع تغريني


ابقطف آخرك ثمّ أوّلك قبل السحاب يبان =وابركل كل فكرة تستحث العقل يَنْهيني


انا مجنون بك مجنون بك مجنون بك .. ولهان =انا مفتون بك مفتون بك مفتون من .. حيني


تعالي نزفر الكبت اللعين وسلطة البيبان =تعالي نَسْكِر الدنيا .. تعالي بسّ لمّيني


أنا جيتك مهاجر " فاقد الوجهه " بلا عنوان =وصلتك بـاسكنك يا مسكنك بـاقصى شراييني


دخيلك إشربي جوعي و أباجوعك انا من شان =إذا ما دلّني قلبي توصلنّي عناويني


أبي نخلق من انفاس العيون الذابله اوطان =وابي عن عالمً مُثخن بالظلم و زيف تنفيني


ابرسم من تناهيدك .. غيوم ومملكة ألوان =وابعزفني على اوتارك وادوزن سكّرك فيني


تثنّي شكلّي بآهك موسيقى تُحرِج الأوزان =وازيدك بعثرة وأستجمعك مابيني وبيني


بـاضيعِكْ وارجع ادلِك وأتوهِك أكثَر بإتقان =إلى آخر مدى منّي ومنّك مايكفّيني


انا ماجيتِكِ مُغرم ولاني للقاء عطشان =انا جيتك بـاعيش .. وعُمركِ ما بين يدّيني


يقال ان العطش كافر .. يقال ان الهوى إدمان =وانا كافر بهجرانك انا دينك على .. ديني


أنا .. ضمّتني الغربه .. انا .. هدّتّني الأحزان =دخيلك إسرقيني من زماني وحيل ضمّيني


لأني لو بغيت أصمد محال تلمني أحزان =لأني لوبغيت أسلى تعرّى كل مافيني


أنا مؤمن بأن الحق يسكن في عيون إيمان =وان النفس لو تُذنب دروب االمغفره دَيني


وإن المستحيل يصير ممكن في بَعَض الأحيان =وإن الممكن فـ لحظة يخيّرك فـ أمرّيني


لِذلك إقبليني دون ذنبً يستبق .. غفران =لأنّي لو تناسيتك طبيعي .. لو ذكرتيني

[/poem]

الموضوع الأصلي: ابثْمل في متاهاتِك || الكاتب: عقاب النهار || المصدر: منتديات بعد حيي

www.b3b7.com

كلمات البحث

مواضيع اسلامية، مواضيع عامة، قصائد، هاكات ، استايلات