.. [ سواليف - نقاشات - برامج - أسئلة - حوارات - أخبار - أفلام ] ..

حلو الموضوع وعجبني بصراحه فكرته وتنسيقه وان موضوعه شامل لكل شئ
عن نفسي احب هالطريقه وبقوه ادري بدري علي وعلى ردي بس تو افضى
واشكرك اخوي شيخ المافيا على هالتالق وعلى اسالتك المطروحه من جد
رائعه وبمحلها وبصراحه كان ودي اجاوب عن الاسئله من بدايتها الى الحين
وان شاء الله الحق عالباقيه معك والله يجزاك الف خير يارب
تقبل مروري المتواضع

بالنسبة لسؤالك عن التمارين الرياضيه
ممممم ولاعمري سويتها ^_^
وهالرمضان خاصه كله كرف طول وقتي فيه
ماعدا النوم افارقه
لان دايم علي المطبخ وهو عن 100 تمرين
وبالايام العاديه فبحكم وظيفتي معلمه
فالمعلمه تسوي تمارين باليوم عن تمارين شهر

ماشاء الله سفره عامره عوافي حوسة مشاعر ..
بالنسبه للفطور تمر او رطب وماء لازم و القهوه وشوربه وصلاه
وبعدالصلاه السمبوسه ولقيمات فطائر واطباق رئيسيه مع الشوربه
مثل القرصان او حميس او جريش وكبيبه < ما اصبر عنه
والفيمتو يوميا اشرب من كوبين الى ثلاث بديل عن الشاي .
ولا انسى الكيك و الحلى


وبالنسبه للرياضه احب رياضة المشي بالايام العاديه
لكن هالحين الكسل والله ويكفي شغل المطبخ والله يبارك بالشغالات

اقتباس وآلله المليونُ هذآك شوي وتقولين بشتري فيه العالم ض1 ..!!

هههههههههههههههههههههههههههههههه اي والله صادق ..

,

اقتباس افتحي لك مشغل .. عآد هالمشاغل هذآ وقتهنَ .!

صحيح هذا وقتهن بس كثرن المشاغل لو ترفع حصى تلقى لك مشغل ..

,

اقتباس فية مشاريع كثيرة بس يبي لها رأس مال ( سيولة المليونُ ض1 ) وفكر يعرف وين يحط فلوسة .

فيه رآس مال بما انه شهادتي اقتصاد يعطوني عليها مبلغ لآي مشروع
بس من يفكر
وش رايك تفكر انت ويصير لي المشروع هههههههههههههههههههههههههههههههه..

,

اقتباس مآ شاء الله .. سفرة دايمة إن شاء الله .. إبداع في كل شيء بصرآحه .. حتى التصوير شيء والتأثير عليهآ ششششكككككل خخخخورآفيَ .. وآلخط آلله جابه هههههه يآليت تسدحينهُ هنا ابي هالخط هذآ آعجبنيَ .. ~> سفرة طول بعرضَ ما اعجبك إلا الخط هههههههههههه ض1 ! لا تشرهينَ عسآك على القوة .. والحمد لله تسحرت بس مو على وصفك .. نخلي السحور امره سريَ ض1 ...........

يدوم غاليك تسسلم والله ..
هههههههههههههههههههههه وابشر في الخط بكرى بسسدحه لاني مااعرف كيف اطلعه من الفوتوا
بشوف اختي بكرى وتسسدحه لك ان شااءلله ( بكرى قصدي اليوم يعني الليله>نسييت اننا الصصبح ........
يقويك يارب .......
والسحور علمنا يمكن اننا نتسحر بكرى مثله ..

,

اقتباس فقرة صرآحه / تحبونُ تسووونُ رياضة في أيامكمُ العادية وكذلك في رمضان خصوصاَ الناس تكثر في المماشي للتهضيم والمشي والرياضة بعد العشاء او صلاة التراويح .. فهل انتم تسون نشاط رياضي ؟ سواَ مشيء .. ام تمرين سويدي .. ام اي رياضةةة .. انا شاك ان بوه رياضة المطبخ غسل الصحونُ والشغل وحاس بهذه الرياضة النسائية ولكن غيرهآ فيهآ ول كسسسسسل ؟!!

والله ششوف احنا مايحتاج نسوي رياضه
رياضة غسل المواعين والطبخ تكفي صح

بس بما انه قدام بيتنا ممشششى
دايم نمشششى فيه
حلو المششي والله >من كثر ماتمشي .........


,

اقتباس ماشاء الله سفره عامره عوافي حوسة مشاعر ..

يعافيتس يارب
تسلمين والله ............
فديتس ..


,

روح الحياه

يَ هلآلآلآبكِ ..
وحيآك الله في هالمجلسِ والشكر لله عز وجل ..
وبالعكس تشكرين على مرورك الجميل والرائع ..!!

..

ايوه روح الحياه الإعتراف بالحق فضيلة ههههههههههههههه
لاتقولين ماعندي وقت وتصرفينَ ههه , لكن عساك على القوة
في المطبخ عز آلله انه تعب نعم ~> ليش مجربة ههه ض1 ..!!
وآلله يوفقك إن شاء الله فيَ وظيفتك ...

ههههههههههههههههههه
من جد مافيه وقت اسوي رياضه وبقوه ياالله
ادخل المنتدى
الله يسهل بس

على النيه


اووه ذكرتيني ب الجريش آيه يَ حزم الضآميَ , وآلله زمآنَ يَ فنَ
سبحححآن الله حبيت الجريش بسبب النفس اللي سوته وكرهت
الجريش بسبب النفس اللي سوته ..؟! بتقولونُ وشلون ..!!؟

الجريش يوم حبيته من اول نظرة اقصد من اول اكلة كان مطبوخ بنفس
وله طعم غير طبيعي ...
وكرهتهُ من غير نفس إنطبخ او ما انضبط مثل الأولُ ف صار عآدي عندي
بس بآقي بالذمة ما .... ض1

والرياضة شيء جميل المشي تحححريك الدم وتجديدهُ , مع الفوائد العائدة للجسم
والله انا مقصر بالرياضة قبل دخول رمضان بأشهر بسبب ضيق الوقت والأشغال
وان شاء الله بعد العيد بنرجع لممارسة الرياضة .

حوسة مشاعر

ههههههههههههههه ~> بنغالي قدامك ض1 ... اوكُ بفكر بس فيفتي فيفتي آوتسي ..!!
عآد عندي لك مشآريع بالهبلِ .. من كثرهآ بتجيك شهادة شكر من امير منطقة حايل ~> يَ خوفي سجنَ ههه


اوووما السحوور هههههه لـئة لـئة مستحيل اقوولهُ هذه سياسة ههههه عآد كرهت هالسياسة كل كلمة والثانية
قالوا سياسة .. تنتقد ووتكلم على زيادة ارتفاع الاسعار قالوا لك انت تتكلم على السياسة .. آلله لايبلآناآآآ


أوووما ما يحتاج تسوونُ رياضة ههههه ما شاء الله 24 ساعه في المطبخ اجل , آلله يعطيكم العافية ان شاء الله وقواكم
الله على عملكمُ .. والمشي اللي تسوينه صدقيني أكثر منِ رائع وشيء جميل قدام بيتكم ممشى .. بالتوفيق ان شاء الله

..

آشكرك " حوسة مشآعر .. على الخطط وصلته لي مآقصرت .

..

س / ما رأيك في القضايا التي تطرح من خلال " الإعلام " والتي تطرح على الشاشات .. أبي معرفة اقوى قضية برأيك والتي آحسنوآ طرحهآ وهل لهآ حل وما اثرها ؟



حتى لا تتوهق عزيزي العضو / ة .. ض1
آكتب لي القضية اللي نقاشوهآ تلك المسلسلات وتكلموآ فيها واحسنوآ التكلم فيها فقط .!!
او ابرز قضية تكلموآ عنها ونالت الإعجاب , وسأكتب لكم مثال :

مسلسل طاش ما طاش
[ تحدث عن قضية نظرة المجتمع إتجاه البنوكُ التجارية والبنوك المصرفية الإسلامية ] من خلالها وضحوآ نقآط كانت
هي عبارة عن حيلة للموآطنينِ ومُجرد وهم .. وهذه النقطة إيجابية نظراَ لأن المجتمع اصبح يتوجه نحو تلك البنوك من
خلال أخذ قرض عقاري .!

ف ما قصروآ الأخوان في طاش فضحوآ امر تلك البنوك المصرفية ووضحوآ لنا ماهيَةِ تلك البنوك بالأساس وما هيَ علية
هذآ مُجرد مثآل والبرآمج والمسلسلات كثيرة أكيد طرحوآ قضايا عديدة إجتماعية وسياسية و إقتصادية إلخ ...
ف ابي اتعبك معي عزيزي العضو / ة .. في التفكير قليلاَ ض1 .. ف نحن دائماَ مانحب نفكر نريد الشيء الجاهز ض1 ...!!

::

ـآلعفو شيخ المآفيا ..


,

بالنسبه للقضايا بما اني متابعه شويات لسكتم بكتم
ناقششوا اكثر من قضية صراحه ححلوه ..

ناقشوا اليوم الوطني والاحداث اللي تصير فيه
من شغب الشباب وتكسير ومسيرات وتفحيط وكل شيء
احسس جابوها بالصميم على مايسويه شبابنا
ووصلولهم رساله ححلوه من هالمسلسل وان شااءلله تنفع ...


فيه بعد حلقه عن السعوددين المبتعثين في الخارج
هالحلقه يمكن اثارت غصب بس جد ججابوها في اغلبية الشاب السعودي
يروح للخارج ويتغير عن مجتمعه ودينه واخلاقه ويتحرر كثير نسمع فيه قصص
من هالنوع هما اتكلموا عن هالقضضيه واعجبني طرحهم لها .........



>>خلاص جبتي قضايا المسلسل كلها ...
وشكرا" على انك ماتعبتنا وخليتنا نفكر همن نجوع

,

موضوع رائع

واسئتكم حلوه ومفيده

بنسبه سؤالك للقضايا
بنسبه لي اتابع مسلسل سكتم بكتم
حلقه ذو الاحتياجات الخاصه
بس ودي بعد اسوي مسلسل الوزاره الشئون الاجتماعيه
حتى يتم كشف حقيقه هذا الوزاره ومراكز تابعه له

دمتم بود

السلام عليكم ورحمة الله وبركاته
وتقبل الله منا ومنكم ..

س / ما رأيك في القضايا التي تطرح من خلال " الإعلام " والتي تطرح على الشاشات .. أبي معرفة اقوى قضية برأيك والتي آحسنوآ طرحهآ وهل لهآ حل وما اثرها ؟





بصراحه غير متابعه جيده لما يتم طرحه لكن لي اطلاله على بعض منها ممثل
ماعرض بطاش ما طاش بحلقة اتوقع اسمه - جاك الجني - وكيفية الاستغلال من البعض لمناصبهم والاستيلاء
على الاموال وسرقتها وكيفية عدم محاسبته لمركزه واستغفال عقول الناس والتذرع بالمرض بسبة الجني
وقبول ذلك عذر مشروع ... ومحاسبة الاخر على شيء قليل لتصرفه به رغم انه لا يستحق المحاسبه عليه
وعدم قبول عذر الجني المتلبس به لانه من عامة الناس ..

سكتم بكتم كان اكثر جرأه لمناقشة واقع المجتمع وما يسيء اليه كحلقة المبتعثين وحلقة الوزير اللي له اكثر من موظف وكيف ان المواطن لا يستطيع اللقاء به وحل مشكلاته .. كذلك حلقة البويات وتشبه الرجال بالنساء ..

وبالنسبه للحل كان متوفرا من خلال الطرح رغم الكثير من القصور بمعالجة هذه المشكلات من جذورها
ولها اثر اكيد فيكفي اظهار هذه المشكلات ورفض المجتمع لها فهذا برأيي خطوه جميله لان الاعلام وسيله من
الوسائل المؤثره والفعاله بحل المشكلات وابرازها ... وكنت اتمنى ان يتم اظهار الاسباب المؤديه لظهورها
وكذلك اساليب معالجتها من جميع الجوانب بفعاليه اكبر !!
لكن تظل خطوات جيده ان يتم التركيز على قضايا المجتمع وما يريده وما يرفضه ..

السلام عليكم ورحمة الله وبركاته

كيفكم جميعا اخوتي الله يديم عليكم الصحه والعافيه

على النيه يسلمك ربي ياالغاليه والله انكم تستاهلوا الدعوات واكثر

وانتِ وجميع الاعضاء والمشرفين والاداريين في المنتدى اخوه لي واعزكم

جميعا وانامبسوطه بمشاركتي بالمنتدى الذي غير مسار حياتي للافضل

وبالنسبه لسؤالك اخويا شيخ المافيا

بالرغم من قلة مشاهدتي للتلفاز بس فيه حلقه لسكتم بكتم عجبتني

الي هيا تكلموا فيها عن القبائل هما ما صرحوا بالموضوع بس لمحوا له

وكمان حلقة ذوي الاحتياجات الخاصه بصراحه كانت رائعه

ومشكور شيخ المافيا ع تميزك في اختيار المواضيع والاسئله