( بعيونها شي )
بعيونها شي غير وله معاني كثار
بعيونها موج هادي والغرق تاليه
...
لد النظر يمها وامسـى بهـا محـتار
فيها حكي ما قدرت اعبره وارضيه
...
لا سلـهمت كل ما فينـي عليـها غار
ولا ناظرت في هدبـها الف ليه و ليه ؟
...
فيها هـداوة بحر وفيها شقا واصرار
وفيها سكون القمر ومنها عذاب وتيه
...
وفي ناعـس عيــونها حــرفة جنــون وكـار
للي نظـرها كذا .. بضـعف وكذا تبليه !
...
وفي طايـل رمـوشـها ظل وظلال وزار
شف كم خذت قبل عقلي واورثت باقيه
...
اللي بمعـجم وصوفه كل حرفن بار
مافيه خصلة حلا ألا انـثـنت بأيـديه
...
وفي عنقها من ندا الورده صفا النوار
وفـي خدها من زلال الماء قبـل تغـريه
...
وفي خصرها رسمة (ن) عنها القلم ما حار
وفي شعـرها جرهـدي ليل (ن) تعـب ساريه
...
المترفه ما عليها من حكا .. ومن غار
تمشي ويمشي وراهـا الــزين مـا تتـــليه
...
هويتها غصـب واجتاح الغـلا ما جار
بأحساسها اللي احبه واختنق ضاميه
...
فيها بـرائة طفل .. وفيـها ذكـاء كبار
وفيها عتب مغرمة ومنها دفى تهديه
...
وفيـها وفيـها كثير اشيـاء وفيـها نار
وفيها براد الرضا وعنها يعجز تشبـيه
...
(نوره) بنور (ن) لبق والنور هي أختار
اقرب شبيه الضيا .. (نوره) وهي: تكفيه
...
احبـــها ... و أن عذل وقتــي علـي غبار
وكانه عطاني هواها عشت عمر اعطيه
...
هذا البلا يا خويـي واعرف اللي صار
قلبـي بـيـديـها يمـوت او انهـا تحــيـيه !!
وسلامتكم
الشــقــاوي ( متعب السيف )
بعيونها شي
العرض الشجري
