صبح وجهك

صبح وجهك


وجهك تسابيح الفرح / و المسرات
صبحٍ يحط العيد .. ( الأكبر ) .. بِ كمّه

وجهك مثل [ استغفر الله ] .. لا جات !!
بِ شفاه طفل وكان يكذب / على أمّه ..

ومزيّن بضحكة سهو / عمرها فااات
مستبشره .. ولكل حسنٍ / .. متمّه |

شفتك: ولا ادري من بقى حي / من مات !
علمي بِ وجهك كان غااااارق بِ دمّه

خجلا / يغالبك الترف .. و التلفّااااات
ليلك يطييييح / و صبح وجهك : يزمّه

رمشك يموووت و يذبح الناس بِ سكات
كل .. ( الوجيه العابره ) .. / ما تهمّه !

يا سيده : حزن التفاصيل / بِ الذااات
الساهيه .. و الشارده .. والمهمّه ..

قلبي جناااح / و نوور وجهك سماوات
يكفخ ولكن ؛ مووت رمشك يخمّه ..

انا انقتلت / وصرت : ضمن الحكايات
يعني ؛ انتقلت لِ رمش ما فيه ذمّه .. !!