رثاء في الشيخ : بنيدر البشر رحمه الله

السلام عليكم ورحمة الله وبركاته وبعد..

هذه أبيات كتبها نويميس سالم النويميس في الفقيد ابو تركي (بنيدر مهنا البشر) من اهالي موقق
حيث يقول ان فقدانه خسارة أليمة على أهله وعلينا وعلى المنطقه وعلى كل من يعرف هذا الرجل الاصيل والنبيل والكريم.
وإذا كان الشعر لايكتب في مثل هذا الرجل فلمن يكتب ؟إن هذه الابيات تعبيراً لما يجول في مشاعرنا وخواطرنا فهو نعم الصديق لوالدنا رحمه الله
ونعم الوفي ونعم الجار ونعم الخصال ، ومهما كتبنا فيه فلن نوفيه حقه ،فرحمة الله عليه وعلى امواتنا واموات المسلمين ....

الحمد لله مؤمنٍ بالمقادير..... مسلم ولي منهج وعارف وقاري..
لياذقت انا ضيم الليال المدابير....قمت اتعمق في صحيح البخاري..
لكن على صبري دموعي شخاتير....مثل الحيام اللي تشوف الخباري..
مجفلاتٍ وافختوها المداوير.....وعشرة ليالي تايهة بالصحاري..
على الذي له منزله عندنا غير.....هذا الصحيح ولا نقوله نماري..
مرحوم ياحلو النبا والتدابير.....لك حشمة وقيمه وجاه ووقاري..
في مجلسه نلقى الدلال المباهير.....ونلقى السوالف والكرم والقماري..
انا اشهد إن لك يابو تركي جماهير....بالمنطقة كله يمين ويساري..
ياما اسعفت يمناك ناسٍ معاسير.....ضاقت عليهم مثل ضوق السواري..
وكم واحدٍ يوجس بقلبه مناشير.....إمن الفقر يزفر زفير انتحاري..
ومن الحياء دلاّ يعيد التفاكير....ويطري عليه من الحياء كل طاري..
وليازبنك ذاق الهنا والتباشير.....ويرجع يتاجر لين يملا التجاري..
وكم وآحدٍ مهلت له بالتياسير.....وعن الوزى ياما لقوبك مذاري..
ياعل قبرك للمزون المباكير.....المرزمات الممطرات السواري..
ومن لامني جعله يذوق المخاسير.....وفي دنيته تكثر عليه المزاري..
ومادام تركي حي واخوانه بخير......على البقى والعز يابو مشاري..
حيثك غلامٍ ضاريٍ للمشاوير.....مضريك ابوك اللي على الطيب ضاري..

شعر/ نويميس سالم النويميس

رحمة الله علية
ومثواه النعيم
ونعم بنويميس شاعر رائع ومعروف
صح لسانك ولسانه

اقتباس: المشاركة الأصلية كتبت بواسطة التيماوي    رحمة الله علية ومثواه النعيم ونعم بنويميس شاعر رائع ومعروف صح لسانك ولسانه

صح بدنك التيمااااوي
لاهنت شاكر مرورك المعطر
تسلم

صح لسان الشاعر والناقل
تغمده الله بفسيح جناته
الطيب لايبقى الا ذكره الطيب

رحمه الله
وابيات جزله رائعه ويستاهل الممدوح
صح لساان شاعرها وسلمت لنقلها لنآ ..
لاهنت ,,

؛

؛

الله يرحم ابو تركي ونعم الرجل ,,,,,كل الشكر لك ولنويميس ,,,,,

ذكرتو لنا بعض خصال ذلك الراحل وهي خصال تكفي لتسموبها قبيله بأكملها ,,,,!!

ولا عجب عندما نتذكر اين ترعرع في صبآه وأين نشأ لا عجب أن تكتنز شخصيته تلك الصفات العظيمه

فأهل الغوطه (موقق) جبلو جميعاً على حب الخير والمعونه والراحل يستحق ذكره مؤلف بحد ذاته ,,,

طبت ياالبراق وطابت يمينك بهذا النقل الفاخر,,,,, تحيـاتي

الله يرحمه طاب انتقاءك البراق