لا يا بعد حيي و ( ميتي ) و ( مللي

قصيده للجريفاني
اعجبتني

يللي سألتي با الخفاء كيـف حالـي

لا يا بعد (حيي) (ومن لي)( وميتي )

ما يسأل الا شخص وافي و غالـي

وانتي على بعـد المسافـه وفيتـي

ما في غلا مغليـك شـك وجدالـي

فاهم شعورك لو بعـد مـا حكيتـي

ولا فيه احد غيرك يزيـد اشتعالـي

وما انساك ابد يا عزوتي لو نسيتي

عز الله انـك وافيـه فـي وصالـي

محدٍ عطاني نصـف حـبٍ عطيتـي

لو شايفك با (الحلم )صابن هبالـي

ولو شايفك با ( العلم )ضيّعت بيتـي

عنـدي تعديتـي حـدود الخيالـي

وبا اخلاقك الحلوه بعينـي سميتـي

دامـه يهمـك يـا الحبيبـه دلالـي

ما فيه غيرك وسـط قلبـي يبيتـي

بمشي على كيفك يميـن وشمالـي

وانفّذ أمرك يـا الغـلا وش بغيتـي

بس ارفقي بي وارحمي يـا حلالـي

انـا هناتـي تكتـمـل لهتنيـتـي

لو تلمس ايدك للبحر صـار حالـي

ينبت زهر في كـل دربـن مشيتـي

الشمس لعيونـك تكـوّون ظلالـي

والبدر يضـوي سكتـك لاسريتـي

والـورد لانمتـي يصيبـه ذبالـي

يفوح ريحه بـس لامـن صحيتـي

يا شاغله فكـري وعمـري وبالـي

تذكريـنـي ياالـغـلا لانسيـتـي

اطيـر لا قالـوا سألتـي سـوالـي

وشلون لو زانت ظروفـك وجيتـي

نص جميل جداً
للشاعر القدير احمد الجريفاني
انسكب عذوبه وشاعريه واحساس
صح نبضه وسلمت لنقله لنآ ..
طبت ,,,

الله الله

بصرااااااااحة رووووووووووووووعه


كلمات جنان

صح لسان الشاعر واللي نقلها


تحيه عطره

قصيده ابياتها في منتهى الرقه والجمال

صح لسان شاعرها وسلمت يمين ناقلها

بصراحه عجبتني من اول بيت لااخربيت

بنتظار روائعك يانقي

شكرا لك حد الرضى

كن بالقرب

احترآمي

صح لسان الشاعر
وتسلم يمين الناااقل

قصيدة جميله وشاامخه لها ثقلها
الف شكرا

يسلم انتقائك الجميل خيوو
الله يسعدك ولا يحرمنا طرحك العذب

صح لسان الشاعر
وتسلم لاهنت

شرفني مروركم العذب
كلي امل انها حازت على اعجابكم

مودتي وتقديري