ياوجد حالي وجد من عينه تشوف=وقفا الزمان بناظره مايشوفه
وجد الفقير اللي مع الدين مضيوف=وتجمعوا ديانته مع ضيوفه
هي طعنتين بالقا تلهف الجوف=كن الخناجر في ظهره معكوفه
وومابه المقلاع في عالم الخوف=قبله شجاعاً والرماح محذوفه
قامت تدكه للوطا عددت الظروف=واصغرهن اللي ماتجاهل ظروفه
وقفا يجر اخطاه والحيل مكتوف=عله يوادع في زمانه وقوفه
والدرب شفرت موس وايامه تحوف=صارت تقطع في حشاه وتحوفه
كنه على وقت مضى ياكل احسوف=وعليه من بعض الاوادم احسوفه
قام يتمايل بين الاضلاع ويلوف=وتلوف صدره من محانيه لوفه
تشتت في ناظره مبعد الشوف=وتشربكت في خافقه ماتشوفه
قيس