:: كل عام وانتم بخير :: | |||||||||
|
التميز خلال 24 ساعة | |||
العضو الأكثر نشاطاً هذا اليوم | الموضوع النشط هذا اليوم | المشرف المميزلهذا اليوم | المشرفة المميزه |
قريبا |
تحذير من النوم بشعر مبلل
بقلم : ♥ غفوة حلم ♥ |
كلمة الإدارة |
« آخـــر الـــمـــشـــاركــــات » |
الإهداءات |
05-09-2013, 04:45 AM | #1 |
|
يدمع سحاب الشوق
يدمع سحاب الشوق في تالي الليل = والبرد يسكن بالضلوع الحدايب أسامر إنجومن معا طلّة إسهيل = صرنا مع الأحزان ربع وقرايب لا زان وقتي وابتدت شمسي اتميل = سجّيت في ذكراك والحظّ خايب القلب مفطورن من الذّل والويل = والبهجة اتسابق بعدّ الركايب من يوم قفّوا صار لضيق تقبيل = يمسي ويصبح وسط سود الهدايب أجي مكانك وأنتظر لك مراسيل = وين الوعود الزايفه بالطرايب أرقى على ضلع الخيال المظاليل = عسى نسيم الحبّ يطرق هبايب شوفي عيونن ساهراتن مخاييل = العين شابت واسود الراس شايب ارسل لك ابياتي ولو مقدر اشيل = صوتي من الونّه ضعيفن وعايب أنثر دموعن فوق خدّي هماليل = لا شفت بأرض الغير مشي الحبايب أسئل وكنّي من جموع المهابيل = وأردّدك بالصوت والقلب ذايب وان كان تبغي قصّتي بالتفاصيل = أكتم من الصيحات والحال سايب عندي من اجروحك قدوع ومعاميل = وعندي من الصدمات سدّ ونوايب الدار في عيني غريبة مداخيل = اهله غدوا واظلم سماها نكايب عكّازتي في مشيها مابها حيل = تقول من راح اعذره بالسبايب ما كان للبعد الطويلي له انكيل = وش حاجتي بالناس لا صرت غايب سلمن ضوا والربع بيدينها اتغيل = ما همّني لو كان دمّي ضرايب سجّيت عن لجّ السواليف والقيل = اللي سوالفهم تجيب الخرايب خلّوني إلحالي مع الليل والهيل = وفوق الصدر جمرن تواقد لهايب ارجع ترى ما عاد به باقين حيل = كافي غيابك طال والجرح طايب للإستماع / http://up.top4top.net/d_9c790b816b1.mp3 أخوكم / طلال الشمري تعليقاتكم ونقدكم على الأبيات والصوت ما هو الا شرف لي |
|
الذين يشاهدون محتوى الموضوع الآن : 1 ( الأعضاء 0 والزوار 1) | |
(عرض الكل) الاعضاء الذين شاهدو هذا الموضوع: 7 | |
, , , , , , |
أدوات الموضوع | |
انواع عرض الموضوع | |
|
|