إحترت مدري ويش تالي سواياك
لما تخالط مُرّ مُرك ب سكرك !
خيرتني ما بين بعدك و فرقاك
يعني إختياري بين
أخسرك و أخسرك
شهرين تاركني ظمأ و أتحراك
مدري متى غيم المواعيد يمطرك
لا صرت مائي ليه بالله أظماك
ولاصرت أنا ظميان وشلون بـ أعذرك !
للحين في بالي مواعيد لقياك
لما على[ لقياي ].. الأشواق تجبرك !
لما إنتظرت و جيت لي و اتباطاك
و جيت إتعذر عن سبايب تأخرك !
ولمّاك جيت و لهفتك تسبق خطاك
و من الخجل يقتات خدك من أحمرك !
و تتوه لما أقول لك حيل اهواك
و بـ أحلى كلام الحب لمّاي أعطرك !
ولمّاك جيت و تشتكي جور دنياك
سحقاً لها [ دنيا حقيره ] تكدرك !
و لمّاك جيت وشهقتك تسبق بكاك
و تقول لي تعبآن بالراحه أغمرك !
و لمّاك جيت و بـ إيدك أخر هداياك
باقة جفا غلفتها بـ ناوي أهجرك !
و لمّا و لمّا جيت لمّا و لمّاك
سلمّت قلبي أخر طعون خنجرك !
لميت في عيني تفاصيل ذكراك
في عزّ ما كان المفارق يبعثرك !
ماكنت أنا سيد خفوقك و مولاك ؟
ما كنت من [ برد الصباحات ] أدثرك ؟
و الحين مديت المفارق بـ يمناك
كنك تقول : أستأذنك ودي أقبرك !
الله يسمّح لك دروبك و يرعاك
و أنا علي أتنفس الضيق و أزفرك !
مابه نصيب أبقى مع الحب وياك
يعني إنتهينا و إنتهى إحساس شاعرك !
يعني تبيع إنسان من جد أغلاك
يعني ما عاد أضم آياديك و أسهرك !
يعني فقدتك ، و البقا في بقاياك
عطرك سوالفك وهداياك و صورك !
إرحل و خذها ذكرياتك و أشياك
أبـحذفك مني من أولك لـ آآآخرك !
أنا بـ أحاول أكرهك و أتناساك
و إنت بيجيلك شخص غيري يغيرك !
شكراً على حبك وجرحك وفرقاك
وعلى سخافة حلمنا الساذج أشكرك !
العرض الشجري
