كلك حيا تسحبين خطاك و احلامي
عيني تسابق شقيقتها على النظره
ماني مصدق وش اللي شفت قدامي !
لين الكفوف اتركتني و جتك منتحره
لمحت في نظرتيك نهاية آلامي
جيتي مثل سيل مبطي كنت منتظره
القلب ممحل ــ فراغ العاطفه حامي
شوفي ضلوعي ظمايا تنتظر قطره
صدر الصبر ضاق ــ يا شمس الشقا نامي
الشوق في داخلي ماقدر على صبره
غياثة العشق فيني مصدر الهامي
احساسي ان شافها فز و فتح صدره
ابيض من الصبح واحلا من بلح شامي
واطول من ( الليل في فصل الشتاء ) شعره
اعذب من الماي و اجمل ما صدف عامي
جتني حياةٍ جديده عشتها سكره
سجينة ضلوعي و سجانة هيامي
إمن الخجل لا حكت ما اميز النبره
يا اطهر شعر يفتخر به نزف اقلامي
يا بلدة الملح يا مصدرْه يا بحره
صوتك ليا غاب عنّي غابت احلامي
ولا جابك الشوق يمّي طاحت العبره
العرض الشجري
