ورد ياللي منبتك جال الثميله=ارتوى عودك من الغدران ريا
ارحم اللي بالهوى حاله عليلة=ما يبات الليل مع نجم الثريا
وأرفق بحالي ترى حالي قتيله=وانكوى قلبي بنار الود كيا
احسب نجوم السما في كل ليله=وان نويت أنام رمش العين عيا
ما تطاوعني ولا لي فيك حيله=واعذابي كان وصلك ماتهيا
الدروب بعاد والسكة طويلة=ولو أروح هناك أنا قلبي هنيا
حطني بعيونك السود الكحيلة=عن سموم القيظ بالرمش أتفيا
دام أنا وياك تجمعنا قبيلة= لا عليك من الحسود ولا عليا