الحب شايب والفراق ابنه العاق ..!

[ALIGN=CENTER][TABLETEXT="width:80%;background-color:white;"][CELL="filter:;"][ALIGN=center]

الـحب شايب والفراق ابنه العاق
والوصل غايه والقصايد وسيله


أثر المفارق له علاقـه بالاخلاق
ويقصر طويله صد ر اعي الطويله


مافيه أشّر من الهواوي ليا ظاق
من ضيقته حتى البزر يشتكي له


ياللي غضبت وكانت حلولك فراق
الغيــــض ولعـــه والمـجـادل فـتـيله


أبليـــــس للـفـتـنه وللشرّ سباق
يـجيك في صورة رذيل ورذيله


العين مايغدي بها كل براق
والاذن ماكل الحكي ترتخيله


راعي الكلام يزود الطاق بالطاق
يحكي بشخص وياصله ويحكي له


خصّ ليا كان الحكي بين عشاق
ماله سوا: مالك دخــل والفشيله


لو شفت وش قيمة غرامك بالاعماق
ماطعت لــو لامـــوك فـيـنــي قـبـيـله


ماهو تضيق صدرك وتركز الساق
كني كفرت وقاتل لي قتيله


ياللي خدودك قطنه وعودك دقاق
والوجــه ياحلـــوه وياحـبـنــي له


عليك ماظني بتحتار الاذواق

الا اليا كانه هبيل أو هبيله


صغير وتشيل حمل ماينطاق
وشلون ؟ عافرت الحمول الثقيله


وانا احسبنك طيب وقلبك رقاق
يامدرس فنون القساوه لـجيله


رح والشقا على الهواجس والاوراق
ياللي عقب فرقاه شوقه بديله


أشتاق وأدري مانت راجع لو اشتاق
مير العوض بالذكريات الجميله

مما راق لي

[/ALIGN][/CELL][/TABLETEXT][/ALIGN]