صدفه غريبه

http://www.youtube.com/watch?v=aGf7GnElweE


صدفه غريبه والحقيقه ماعلى الدنيا غريـب
يازينها صدفه بـلا سابـق وعـد يازينهـا

الله صرفها لي مثل صرف العلاج من الطبيب
أثر الجروح تطيب لا من عولجت في حينها

لا طاب جرحي منه من غيره لعلّه مايطيـب
يطعن وطعناته على شان الغـلا راضينهـا

أحلى شوي من العسل وألذ من طعم الحليب
وأحر من همسة شفايفهـا وغمـزة عينهـا

ومجدّلٍ يوم أنتثر كلّه ماغير يفـوح طيـب
يطيـح لـو ماتفهقـه بيسارهـا ويمينهـا

لاينزعج ترى الجمل ما طاح لو أنّه صويب
لا يابعـد نـاسٍ تحـد لطيحتـه سكينهـا

ولايفرح الحاسد تراها طعنةٍ من يد حبيـب
وشلون أبا انساها وهو بين الفؤاد وبينهـا