|
(((((( الجروح الموجعه ))))))
السلام عليكم ورجمة الله وبركاته
آه ياسود الليالي ويـن اداوي هالجـروح
علميني كيف اداوي هالجـروح الموجعـه
وين ياسود الليالي طال مشـوار النـزوح
مغترب في وسط دنيا صوت ماحد يسمعـه
ضاعت احلام الشباب ولا بقى فيني طموح
والامل ضاع وتبعثر كيف واشلون اجمعـه
غامض دربي وانا اللي واضح كل الوضوح
دنيتي كف بلا ابهـام واصابعهـا اربعـه
كم كتمت الهم لكـن قلبـي بهمـي يبـوح
لين طفى دمـع عينـي شمعتيـن مولعـه
بعض اصحابي سئلوني وينه الوجه المزوح
وبعضهم راح وتركنـي مالحقـت اودعـه
آه ياكبر الالم لاصـار لـك قلـب سمـوح
بين ناس قلوبهـا بالغـدر يمـك مشبعـه
ياليالي وين اسافر من عذابك ويـن اروح
والتذاكر همـي وجرحـي بقايـا الامتعـه
ايه ياذاتي ابشكي لك بعض همـي وابـوح
واستميحك عذر من قلب همومـه مرتعـه
اكبر همومي 00000 راح بيدينـه يلـوح
من رحل وافراح قلبي كلهـا راحـت معـه
واصغر همومي صديق كنت احسبنه نصوح
لين ضاق بي البخت وانزاح زيف الاقنعـه
واكبر احلامي فراق الهم والحظ الشحـوح
لو يروح الهم عنـي كـل حزنـي يتبعـه
واخر احلامي بلم الشمل من بعـد النـزوح
وشوف من لاضاق بالي نظرته لي منفعـه
ياليالي اعذرينـي مابقـى بالجسـم روح
وضربك القلب الجريح يزود ضربك بوجعه
اتمنى ان ترتقي لذائقتكم
|
العضو الأكثر نشاطاً هذا اليوم 
العرض الشجري
