خذني غلاااا

[ALIGN=CENTER][TABLETEXT="width:90%;background-color:black;"][CELL="filter:;"][ALIGN=center]

خذني غلا يا أصدق غلا بالوقت الأول والأخير
أبغاك تدرس حالتي أول وأنا أدرس حالتك

حنا نفس واحد وروح وقلب وعيون وضمير
عدالتي ظلمك وظلمي منتهى عدالتك

يا بدري الطلّة ويا طلّتك يا البدر المنير
ترى خسوف القمر بشارة وصول إطلالتك

وإطلالتك عندي أنا تعني لي الشي الكثير
لا صارت عيوني على خدك سحآب وسالتك

أوقف وأسميك الملك وشوي أسميك الأمير
أخاف من سطوة سموّك وأحترم جلالتك

حبك كبير وبالمقابل قدرك بقلبي كبير
إحساسي بمحبتك وإحساسي ب زمالتك

لا يضيق لك خاطر فديتك لو يصير اللي يصير
إن كان ما شالتك الأرض رموش عيني شالتك

يا أترف مشاعر بالبشر يا أرق من لمس الحرير
ساعة زمن ممشاك من غرفتك حتي صالتك

دلعك يثقل خطوتك وأحيان يمنعك المسير
وأحيان أشك إن الدلع سلالته سلالتك

يومك تعض شفيفتك وإصبعك ل عيوني يشير
وتقول هذي مالتي وأقول طبعا مالتك

تقولها وأعيش نشوتها وأحس الموت أخير
لا شفت موتي بين عقرب صدرك وسلسالتك

تدري لا شفت بيالتك بأطراف ثغرك تستدير
أضرب على صدري وأقول الحظ حظ بيالتك

مدام أبوك الناي وأمك ضحكة الطفل الغرير
وتصير عمتك الشطانة والشقاوة خآلتك

لازم عليك آغير من نفسك وحتي منك آغير
عشان لو تطاولك كل البشر ما طالتك

ما طالتك يالأسمر الجذآب يالملح المثير
ياللي سمارك جامعِِ سكر وملح أصالتك

فتنتني بعيونك الخدرات والزول القصير
وحببتني في طيشك وحببتني جهالتك

ماعاد لي سلطة على حالي وأنا بيديك أسير
ولا عاد لي حيلِِ يساعدني على حيالتك

يا علّني فدوتك من راسك إلى إصبعك الصغير
يا كبر بختي يوم ناولتك يدي ونآلتك

يا أصدق غلالا وأعذب غلا بالوقت الأول والاخير
هذي خلاصة حالتي عطني خلاصة حالتك

[/ALIGN][/CELL][/TABLETEXT][/ALIGN]

ماجد سلمت
ولاهنت

صاااروخ مسائي يطلقه مجرم الحب
(( ماااااجد ))
ويجتاح بعد حيي ويصيب الآعضاء بجرووح بليغه
الله يهديك يامااجد ارفق علينا يالشيخ
مافينا قوة على هيك قصائد
شكراااا وتقديري لك لانتقائك العذب

ذائقه متفرّده كَ عادتك يّ أنيق
يسلّم احساسك وَ قلبك
إلهي يسعدك وَ يرضيك خيو
~

نبراس
اسعدني مرورك وإطراءك . لاعدمتك

عنود

اسعدني مرورك وروعة تعليقك الجميل

يعطيك العافيه

متصفحك جنة وارفة ي مآجد
كل نص بمثابة بستان فواكه وأزهار...
كريم أنت حد تدليلنا
ممتنة لك يا مطر.

العنود

اسعدني مرورك وإطراءك العزيز

يعطيك العافيه.. لاعدمتك

وتم بعيد

اسعدني مرورك العزيز

يعطيك العافيه