نام واذبح لك حمــام

مدخل ~

آمــوت مــن ضيقـتـي مـيـر الله آحيـانـي
وجـوارحـي نـــوب لا حـيــه ولا مـيـتـه

رغـم انـي اعانـي مـن الوقـت مـا اعانـي
مسحت صبـري علـى جرحـي وداويتـه ..!

عمق

ما آروح لو كان عـذر الصـدّ جابرنـي
لاشك يجهلك .. مايطـري علـى حالـي

ماكنّك اللي عن الأحـلام .. مسهرنـي!
ولا كنّك اللي سكن في مهجتي .. غالـي

عشاني إشتقت لك بالبعـد .. تشكرنـي؟
وشلون لو شفت .. هوجاسي وغربالي؟

ياطول صبـري معـك .. والله ياجرنـي
على كثـر ماتحمّـل عقلـي .. هبالـي!

إسلم وسلّم علـى الاحـلام .. واذكرنـي
لا أمسيت بين الحشا .. واصبحت في بالي

مخرج

طفلةٍ ..
هدّت غلاها .. بالحنايا ...
ثم نام .!

كل ماصحصح خيالي ...
قمت ادوّر .. له ..
عـليـهــا..!


يوم غنّت له ..
بصـدري ...
(( نام واذبح لك حمــام !))

قلت:
يابخت الحمــام
اللي يسابقني .. لـ يديها ..!

لاأروحكم العذبه

عشاني إشتقت لك بالبعـد .. تشكرنـي؟
وشلون لو شفت .. هوجاسي وغربالي؟

ياطول صبـري معـك .. والله ياجرنـي
على كثـر ماتحمّـل عقلـي .. هبالـي!




ما ارق واجمل همساتك شاعرنا
حروف تتعالى على الفكر وتحبس
ذرات الحنين في الاعماق
دام لنا نبض احساسك
كن دوما بخير

برقنـا
وَ اختلاف الذائقه عنوانك دائماً
يسلّم قلبك وَ كلك شاعرنا المميز
الهي يسعدك ولا يحرمنا روعتك يّ بطل

برق البروق
هُنا غرق وذآئقه تتكلم هنآ
رآئعه بكل ماتعنيه الكلمه
سلم لنآ أحسآسك الأنيق وسلمت ،،

أسطورة الشعر

صباحك ورد

كالسيل جئت كالسحاب المنهمر
فيضان وجداني يطم المرتفع قبل
الوادي
هتان معانيك تحكي في كل قطرة
معنى مختلف وتجربة اخرى
أسقيت وأرويت
أيها الفؤاد المضطرب والعاشق القلق
ما بالنا تؤرقنا الريح وتذكرنا الأطلال وتثيرنا النجوم
ويسامرناالبدر و تدمينا الاشواق ويذكرنا
لميع البرق وحنين الرعد معاني
مختلفة وذهول سرمدي
دمت بخير ودام جميل بوحك

شكرا بحجم السماء والارض
لمن
مر هنا وشرف متصفحي المتواضع يسعدكم ويرعاكم

ترتدي سندس النور هذه الكلمات
تحيتي لك ي أنيق الروح والحرف

الف شكر
لتواجدك النور الرواء
اسعدك ربي ولاهنتي