مدخل
تذكرني اذا يبْست عناقيد الشعور .. وشفت
املنا .. جثة ٍ طاحت من فعول السنين السود
انا والله .. من كثر الطعون اللي هنيا .. عفت :
ضلوعي .. والصبر لو طال ترا هذا الصبر بحدود
حبيبك .. حالته .. بعدك .. 3 حروف /يعني ( زفت )
وحشته .. كثر ماصب الحزن .. في كاسة الموجود
عمق
منهو على هالضيق يقدر يجيني
وياخذ معاه الضيق لأبعد مسافه
جرحي كبير ..وغير جرحي مافيني
والوقت هذا صرت أمله وأعافه
وشلون أواجه مابقى من سنيني
وعمري زمان الضحك مره وطافه
أحيان اقول أن الأمل في يديني
وأحيان يغلبني الآسى بااكتشافه
أبحتوي همي ..وأبي يحتويني
وعلى الهوى بااقول ..يالله حسافه
مدري انا ياناس والله ..ويني
بس الأكيد إني بحالة كسافه
كن الحزن ..رحب بدمعة حنيني
ملعون أبو جده وذيك الضيافه
ياناس.. ياعالم .. وياسامعيني
عندي طلب إن كان مابه كلافه
ابي بشر ..هالحين يقدر يجيني
ياخذ معاه الضيق لأبعد مسافه
مخرج
يوم إنها .. ضاقت .. وضاقت .. وضاقت
لديّت في .. وجه السنين .. وترجلت
ماهوب عيب .. ان المقادير .. ساقت :
جرحي .. ولكن عيب .. لاانكرت .. ماقلت
قلت .. ان روحي بك .. اذا ماتلاقت !!
تبقين أعظم شي .. طلته .. ولاطلت
لاأراوحكم النقيه
العرض الشجري
