من رافق الطيب شرب صافي المي

بسم الله الرحمن الرحيم

راقت لي وحبيت تشاركوني قراءتها::
ــــــــــــــــــــــــــــــــــــــــــــــــــ ــــــــــــــــــــــــــــــ

[poem=font="simplified arabic,7,white,bold,normal" bkcolor="indigo" bkimage="" border="solid,8,black" type=2 line=0 align=center use=ex num="0,black""] عطني ياهاب الريح من وقتك شوي=وأسمع كلامي كان ما به كلوفـه

سخر جهودك في رضا الواحد الحي=والفرض لاتغفل من أول صفوفـه

لاتمنع الناصح ليا قال ياخـــي=خذ مايفيد وزايد الهرج طوفــه

لاتطرد المقفي ولاتشاور الــعي=قدام ياكلك الندم والحسوفـــه

ترى حكيم الشور ياخذ ويعطـي=نفسه من الراي الدناوي عيـوفه

ولاتقرب الشبهه ولاتخاوي السي=عليك باللي طيبات وصـــوفه

من رافق الطيب شرب صافي المي=ومن رافق الهافي جفا الما كفوفه

ولاتنكر المعروف لو أنه شـوي=من قدم المعروف رد معروفــه

وأدمح خطا الطيب لياصار مخطي=وأقبل معاذيره وقدر ظروفـــه

ولاتنهر المحتاج لاجاك مبــلي=خسارة في فعل خير مخلوفــه

وأطلق حجاجك لاأقبل الخاطر وحي=بشاشة الطيب كرامة ضيــوفه

ترى الكريم معان بالخير مرهـي=من يترك الماجوب جعله ذلوفـه

لاتقطع الرفقه ولو حبلها لــي=حبل الرفق من يفلته بـان خوفه

رجل بلا ربعه من الناس مجفي=لابد صكات الليالي تـــحوفه

واللي في عينه مايشوف البشر شي=ترى البشر في عيونها ماتشوفه

ومن عوده حظه على بارد الفـي=لابد لفحات السمايم تلوفــه

ومن ساقته نفسه على سكة الغي=صعب عليه ليا تمادى نكـوفـه

ترى الليالي تطوي أيامنا طــي=يالله بحسن الخاتمه والمروفـه[/poem]

للشاعر / سـعد ابن جدلان الأكلبي رحمه الله

مودتي لكمـ

هلابك ياسلطان وأشكرك ع نقلك الرااائع
تقديري لجهودك واسمح لي بإضافة اسم الشاعر مرادفاً للقصيدة
لاعــــــــدمنا وجووودك.

تم التنســـــيق

رحم الله شاعرها وسلمت يمين ناقلها
شُكراً لجنابك وبمداد السماء
تقديري

عشت ذوقك بالحيل راقي

من روائع بن جدلان الله يرحمه


شكرا لك

اشكرك مراقبنا ابو طارق مرورك شرفني
وكل التقدير للتنسيق الرائع

العفو زفرات الصمت شرفتيني

صواي الليل شرفتني كل الشكر والتقدير

امير الشمال شرفتني كل الشكر والتقدير

صح البوح والاحساس
انتقاء جميل وانيق كأنت

صح ذوقك وطرحك ياسلطان
وصح لسانك ولسانه قايلها

هدوء الجوري
الله يسلمك
مرورك عذب على القلب

صح بدنك
نسمات
مرورك شرفني دمتي براحة بال

سلمت الايادي. رااائعه