لذيذ القاف

[poem=font="Simplified Arabic,6,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]


تنام العرب كله واسامر لذيذ القاف=لقيته يسلي خافقن راح محبوبه
اشوفه غدى لحروف شعر العرب ميلاف=مدام الضماير من هوى الزين مشبوبه
هواها ترك عمري خطيرن على ميهاف=وهو بالحلا مرغوب قلبي ومطلوبه
غزالن تشيل الروح في نابي الارداف=مع الذوق في زين النقاريش في ثوبه
الا ليتني ماجيت درب امهات غداف=ولاسقت رجلي طامعن بالهوى صوبه
مجاديلها طاحت تهلهل على الاكتاف=جبرها على عقد المجاديل بخبوبه
لها مبسمن فيه الثنايا تلوح رهاف=تقول العرب شالوا خفوقي وراحوا به
سكنها بعيدن للعرب دايمن متلاف=ولاتامن اخطار المقاريد بدروبه
ورى ديرتن تذكر عليها الحصى وقاف=قطعها الشلاقي في مغازيه وحروبه
ومن دونها ناسن بواريدها تنخاف=رجالن غدى دم الرجاجيل مشروبه
عيون اشقرن تقدح على عالي المشراف=لمح صيدته لاذت عن الموت مرعوبه
شلع وارتفع واظهر ظفورن تقل خطاف=تعلى على الصيده سريعن مهو دوبه
غدى الريش من كفه تقل ينتفه نتاف=من اللي طعونه فيه الاقدار مكتوبه
او الريم لاشاحت عيونه على الاطراف=وخافت قوانيصن وموته تواصوا به
وذارت مخافة واحدن للحشى قصاف=وعافت فياض اهل المقانيص وذهوبه
وانا لو نظرتوا حالتي ماعلي خلاف=ترى الجسم خالي منه الارواح مسلوبه
عذابي غدى يشبه عذاب احمد العساف=يشيل القوافي من لمح بيض عرقوبه
يصيح الضحى يبكي غزالن شمالي كاف=والاجواد ماراعوا عذابه ورافوا به
وانا طحت مثله مانفع بي طبيب اسعاف=وكل الضماير عقب الاحباب منكوبه
لك الله طريق اهل المحبه غدى ينعاف=وموت القهر يرسل مع الفجر مندوبه [/poem]