ياراكب اللي حديده صنع يابانه

[poem=font="Simplified Arabic,6,white,bold,normal" bkcolor="green" bkimage="" border="double,9,black" type=2 line=0 align=center use=ex num="0,black"]

قـال الــذي يـنـتـقـي حـرفـه وقـيـفـانـه=لاعـاضـب الـقـاف مـايـبـلـش بـتـصـخـيـره
نـقـوة حـروفـن ورثـهـا عـقـب جــدانـه=ريـح الخـزامـا كـسـت وصـفـه وتـعـبـيــره
الـقـاف لاصـــك دون الـنـاس بـيــبــانــه=يـفـتــح دروبـن وقـــف دونـه شـواعـيـره
خـاض الـقوافـي ودوهـج وسـط مـيـدانه=ويـلـقـط حـروفـن عـسـار الـلـقـط مع غـيـره
لاهـاض صـف الـمـثـايـل صـف عـيـدانـه=مـثـل الـبـنـادق لـهـيـبـه عـقـب تـثـويـره
مـثـل الـجـواهـر تـلـوح بـوســط دكـانـه=شـفـقـن عـلـى وزنـة اشــعـاره وتـقــديـره
قـافـن حـروفـه تـجـي بـالـقـيــد لـلـسـانـه=ويـنـثـر وروده بـطـرسـن بـان تـسـطـيـره
اركـب خـيـول الـقـوافـي واطـلـق عـنانه=كـنـه بـوسـط الـحـشــى تـصـفـر مـزامـيـره
ويـاراكـب الـلـي حـديـده صـنـع يـابـانـه=جـيـبـــن جـديــدن ولا راحـت تـغــابـيــره
حـسـه مـثـل مـاطـرن بـجـنـوب ظـلـعـانـه=والا غـنـوجـن هـــنـوفـن مـن غـنـاديــره
مـاضاق مـن طـقـة الـكـرسـي وعـمـدانـه=او داج وسـط الـمـعـارض لاجـل زنـجـيـره
مـن مـصـنـعـن ضـابـطـن ربـطـه ومـيـزانه=وزاد الـبـسـاتـم قـبـل خـتـمـه وتـصديـره
كـنـه مـصـمـم مـن الـمـصـنـع عـلـشـانـه=مـرسـوم شـكـلـه عـقـب درسـه وتـطـويـره
لادسـت لـه جـاوبـك فـي دان مـادانــه=يـطــرب خـفــوقـك عـلـى نـغــمـة مـواطـيـره
يـاطـى ديـارن تـهــيــل الـقـلــب شـعـبــانـه=مـايــلـهــد الـبـال لـو طـالـت مـشـاويـره
مـاجـاه راع الـعــشـايـر قـــفــو ذيـــدانــه=او داج بـأطـرافـــهــا نـاشــد مــداويـــره
فــي لـيـلـتـن والـعــرب بـشـبــاط بـردانـه=والـقـلـب بـيـن الـرجـى والـيـاس والحـيـره
قـلـبـن شـكـى لاهـب الـغـالـي ونـيـرانــه=اركـى بـوســط الـحـشـى حـامـي مـسـامــيـره
وخـلـيـت جـيـبـي يـشـادي وصـف سـرحـانه=يـبـي الـعـشـاء والـعـرب كـثـرت مخاطـيـره
تـلـمـع بـروق الـطـخــى والـعـيــن سـهـرانـه=والـقـلــب طـيـف الحـبـايـب زاد تـوتـيـره
صوت الـرعـايـد تـشـادي طــق طـيـرانـه=والـبــرق فـي غـيـمـهـا يـشـعــل سـواعـيــره
يـرقـى الـنـوازي سـريـعــن تـقـل شـيـهـانـه=فـرخـن لـمـح صـيـد مـع دافـع مـعــاصـيـره
تـدلـي عـلـى صـيـدتـه حــدمــه وجـيـعــانـه=يـمـنــاه تـشــلـق مـثــل شـاطـر سـواطـيـره
فـرخـن فـروق الحــبـاري راس عــدوانــه=شـفـقــن عـلـى شـلـقـة الـحـبـرم وتـنـثــيــره
مـثـلـي شـفـوقـن لـشـوفـة ريــم غـزلانــه=فــي روضـتـن بـالـحـيـاء فـاحـت نــواويــره
روضـن خـضـاره يـلـوح بـوسـط جـيـلانـه=بـالـوسـم جـتـهـا الـمـخـايـل فـي قـواطـيــره
ريـمـن تـخـافـق بـروضـن فـاح ريـحـانــه=حـــذره يـخـيـفــه حـراك الـغـصـن ويـذيــره
تـشـبـه عـنــودن عـلـيـهـا الـروح شـفـقــانـه=عـسـرن عـلـى خـافـقـي شـوفـه وتـدويـره
قـصـره بـقـلـبـي كـمـا الـفــولاذ جـدرانـه=لــو هــي سـبـايــب غـثـى بـالـي وتـكــديــره
يـسـري بـفــكـري حــلاه وزيــن فــسـتـانـه=وخــدن تـلالا بـلا صـبــغــة مــنــاكــيــره
يـوضـي حـيــاتـي حــلا جـســمــه وذرعـانـه=صـابــت خـفـوقـي وقـلـنـا يـالله الـخـيـره
لاشـفــت زولـــه تـفــز الـروح فــرحـانـه=كــل الـحـــلا والـطـراء داخـل تـنــانــيــره
غـنـجـاء غـنـوجـن هـنــوف الـقـلـب مـزيـانـه=لـو جـابـهـا الـمـال مـاهـبـنـا مـخـاسـيـره
يـابـعـــد داره عـلـى عــيــنــي وبـلــدانـه=دونـه سـهــالــن تـغــث الـبــال فــي ســيــره
وحــولـه قـلـوبــن بـنــار الـحـســد غـرقـانـه=كـنــه عـسـاكـر جـيـوشــن مـع طـوابـيـره
صـعـبــن عـلـى خـافــقـي تـركــه ونـسـيـانـه=يـمــلـك خـوافـي مـعـالـيـقــي وتـفـكـيــره
يـالـيـتــنـي واحـدن مـن عــرض جـيــرانـه=مـن شـان اشـوف الـغـلا ســاعـة مـسـايـيـره
ولاعـشـــت روحـي عـلـى فـرقـــاه نـدمــانـه=انــدب سـلــوم الـهـوى وارثـي دســاتـيــره
وان كـان روحــي بــدت ذبــلاء وعــدمـانــه=ريــم الـفـلا هــي سـبـب ذبــحـه وتـدمــيـره[/poem]

قصره بقلبي كما الفـولاذ جدرانـه
لو هي سبايب غثى بالي وتكديـره


لافض فوك


ابيات راااائعه بكل سطر فيها

استاذي الفاضل فواز الغسلان

دائما مميز


الله يعطيك العافيه


على طرحك

اقتباس المشاركة الأصلية كتبت بواسطة اجوديه قصره بقلبي كما الفـولاذ جدرانـه لو هي سبايب غثى بالي وتكديـره لافض فوك ابيات راااائعه بكل سطر فيها استاذي الفاضل فواز الغسلان دائما مميز الله يعطيك العافيه على طرحك

العزيزه الغاليه والمحبوبه اجوديه000

تشرفت بمرورك وتعليقك النبيل وكل الابداع هو ماورد في حروفك الفاضله النبيله0


فتقبلي احترامي وتقديري واعتزازي الكبير بك وبحروفك00


تحياتي العطره بكل بود الراوي00

وان كان روحي بدت ذبلاء وعدمانه
ريم الفلا هي سبب ذبحه وتدميـره

كل البلاوي من ورى ريم الفلا

صح فكرك اخي فواز
وننتظر مميزاتك

اقتباس المشاركة الأصلية كتبت بواسطة احمد الشمري وان كان روحي بدت ذبلاء وعدمانه ريم الفلا هي سبب ذبحه وتدميـره كل البلاوي من ورى ريم الفلا صح فكرك اخي فواز وننتظر مميزاتك

الاخ العزيز احمد الشمري000



مهما قلت تعجز الكلمات عن شكركم لقاء تشجيعكم المستمر

الذي له اكبر الاثر في كل ماكتبت من حروف متواضعه000

اشكركم جزيل الشكر وتقبلو تحياتي الخالصه

الراوي00

[align=center][mark=FF0000]صعبن على خافقي تركه ونسيانـه
يملك خوافـي معاليقـي وتفكيـره
ياليتني واحدن من عرض جيرانـه
من شان اشوف الغلا ساعة مساييره [/mark]
صـــــــــح لسانك أستاذ فواز
لاعدمناك
.
.
.
.
.
.
نـــورالدنيـــأ[/align]

اقتباس المشاركة الأصلية كتبت بواسطة نورالدنيا [align=center][mark=FF0000]صعبن على خافقي تركه ونسيانـه يملك خوافـي معاليقـي وتفكيـره ياليتني واحدن من عرض جيرانـه من شان اشوف الغلا ساعة مساييره [/mark] صـــــــــح لسانك أستاذ فواز لاعدمناك . . . . . . نـــورالدنيـــأ[/align]

الاخ العزيز نور الدنيا000


ان كان هناك ابداع فهو من تشجيعكم لي الذي اصبح هو دافعي

الاول لكل ماكتبت لكم من حروف فلكم الشكر والتقدير الخالصين00

تحياتي العطره الراوي00

فواز الغسلان
مبدع كـ العاده
صح لسانك اخوي وسلمت ايدك
بانتظار جديدك الرائع
سهر

اقتباس المشاركة الأصلية كتبت بواسطة سهر فواز الغسلان مبدع كـ العاده صح لسانك اخوي وسلمت ايدك بانتظار جديدك الرائع سهر

العزيزه الغاليه سهر000


ان كان هناك ابداع فهو من تشجيعكم لي الذي اصبح هو دافعي

الاول لكل ماكتبت لكم من حروف فلكم الشكر والتقدير الخالصين00

تحياتي العطره الراوي00

استتتر عليك فواز الغسلان
اهنيك على هالابداع
اللهم لاحسد

[align=center]يرقى النوازي سريعن تقل شيهانـه
فرخن لمح صيد مع دافع معاصيره
تدلي على صيدته حدمـه وجيعانـه
يمناه تشلق مثل شاطـر سواطيـره

فرخن فروق الحباري راس عدوانه
شفقن على شلقة الحبـرم وتنثيـره


الله الله


حــــــــي هـــالــــوصــــــــف والله

صـــــــــح لســـــــــانـــــــــك دوووووم


علـــــــى هـــاالـــــرائعــــــــه

يعطيــــــــك ربـــــي الـــف عــــافيــــــــه..[/align]

اقتباس المشاركة الأصلية كتبت بواسطة طامي اليحيا استتتر عليك فواز الغسلان اهنيك على هالابداع اللهم لاحسد

الاخ العزيز طامي اليحيا0000



ارتحت لحروفك وسعدت بتعبيرك الغالي ومرورك النبيل00

كل الشكر والتقدير لك على ذلك يالعزوه000

تحياتي العطره بريح المسك والعنبر0

الراوي000

الله لايهينك
يالراوي الرائع
صح فكرك الراقي يالعزوهـ

الغالي ابو فهد

والله كفو وشاعر مميز وصح السانك مليون

[align=center]لله درك من شاعر والسبعة انعام


شاعري فواز ابدعت ووصفت واجزلت


صح لسانك وسلم بنانك ولاهنت يالعزوه


سجل الاعجاب كله[/align]