حِرّيِمّنَا تَبّنّ تَسِقّنّ اوتَكَذَبِّنِّ

سلخيرات

كل واحد بـمكانه والله ماتقومون
مسهرتن الحركات







تعرفون الايام هذه بدن الحريم يمسكن الطاره وصارن يزاحمن الرجال
بكل شارع وحاره .. ودعن قولة فلانه اطبخي هاتي جبي .. خلااص زي زيك يابو الشباب
ولكن فيه عمر محدد اللي هو35سنه مسموح له تستخرج رخصه وتفحط بونيته
وتخلص اغراض بيته .. وابو العيال فله بـ الاستراحه


عاد مشوين جالس عند امي وقلت يايمه الحين الحريم صارن يسقن السياره
شوف عيني .. شفت حرمه بجدهـ تمشى هي وعياله
واخذتن راحته بلا هم السواويق والعماله ..
قالت امي اشوى مار اغدينن لاجت مراجعة للمستشفى اركب سيارتك واروح
اريحلي من اقعادك لانمت .. (ايه خفيف نبهه )
قلت فكره حلوه وعمرك مطابق الحين انتي فوق الخمس وثلاثين بتسع وثلاثنين نقطهـ
يعني عجوز مسموحلك ..
وهي تلتفت لي وتقول عجز عنك كفنك توي صغيرهـ مار هونت ماينطبق النظام علي
تولم بكرا تودينن للمستشفى ..

جت عيدهـ وقلت عيده الحين بـ امكانك تاخذين مفتاح عزعز وتروحين للسوق
قالت يعني اسوق عاادي موافقين لي اسوق لحالي
واتقضى اغراضي بلاهم شحدتك وتعللك علي لابغيت روحه ماتطلع
الا بطلعت الروح .. قلت افااا عليك
ودام النظام منطبق عليك .. تبين تسوقين .. قالت وشو النظام
قلت مسموح لـ من هن فوق الخمس وثلاثين تمسك الطارهـ
وهي تغزن بطرف عينه وقالت صم الله علي توي صغيره
وين صغيره ياعيده وعمرك ينوش التسع وثلاثين
قالت اقول توي صغيرهـ مابي اسوق ولاروحتن للسوق
خلن اجلس ببويتي .. ازين لي
قلت بيني وبين نفسي .. وشـ الخمال هذا اللي ابيه ارجهني
بيتك بكرا تضايقينن على ضل الشجرهـ اللي قدام الباب
نتسابق عليها مسابق خخخ


يعني الحريم تبي تطلع علومهن اللي تبي السواقه يقاله عجوز
واللي تبي تشبب وتصغّر روحه تلبد بيته .. لاتطلع


لكن نصيحتي للحرمه المحتاجه للقياده
افضحي كذبتك وخليها تبان واركبي سيارتك
افضلك من السواق ودبلت التسبد


على اذنكم ابروح اقنع عيده تعترف بعمرهـ الحقيقي
لجل اشتري له هايلكس من تويوتا


يالله استاذنكم اشوفكم على خير
الباب وينه