يومنها بالسيف والرمح والخيل=نملك مزايين الأبل مع فحلها

السلام عليكم

احد الأشخاص مزحه ثقيل شوي وكنت مستحمله لأنه زميل.
لكن تطرق الى موضوع مزايين الأبل ودبل كبدي بكلامه
قال كل القبائل شاركت الا عنزه.!!! الظاهر ان وضعهم في هالزمن كذا وكذا......

فكانت هذه الأبيات المتواضعه


[poem=font="Simplified Arabic,7,black,bold,normal" bkcolor="transparent" bkimage="backgrounds/27.gif" border="none,4,gray" type=2 line=1 align=center use=ex num="0,black"]
ياصاحبي كنّا ونبقى حلاحيل=
=للمجد نرقى فوق قمّة جبلها

افهم عدل لاتأول الوضع تأويل=
=والكلمه العوجا من المزح شلها

يومنها بالسيف والرمح والخيل=
=نملك مزايين الأبل مع فحلها

نغير في وسط الضحى واوسط الليل=
=ونجيبها غصبٍ عن خشوم أهلها

ويلان حنا فعلنا له دواليل=
=نردم على كبد المعادي عللها

وان زغردت ام الرموش المظاليل=
=وقامت تناظر كيف ردّة فعلها

نشوش من زود السطر كالمهابيل=
=والموت احلا عندنا من عسلها

متوارثين المجد جيلٍ ورى جيل=
=فتخين الأيدي كاسبينن نفلها

ويلان حنا أهل الكرم والمعاميل=
=عاداتنا ماغيّرتها فللها

لضيوفنا نذبح من السمّن الحيل=
=وقصيرنا ماراح يشكي مللها

والحمد لله يوم صارت تساهيل=
=جاها السديد بدين ربي شملها

يكفي يمثلنا من النفس حلحيل=
=مشعل أخو نوره بجوده كفلها

مادام صارت بالذهب والتهاويل=
=واحيت علينا عنصرية جهلها

ماعاد نبغى من وراها محاصيل=
=وقلوبنا للخير ربي عدلها

نعطي الفقير اللي شكى العوز والويل=
=وام اليتامـا بذلنا قــد وصلها

وضعيفنا نرفى خماله عن الميل=
=اخير من دفع الفلوس بجملها

ونذلل ظروف المساجين تذليل=
=ونعتق رقابٍ دافع الله أجلها

ياصاحبي نقدر وفينا لها حيل=
=ونملك ملايين الفلوس وهللها

واذا رغبنا بالليالي المقابيل=
=تشوف ويلان السعد وش عملها

قلته وانا ماودّي القال والقيل=
=حسبي على اللي حيييل كبدي دبلها[/poem]

الاطرق بن بدر الهذال