كفاه القلب تعذيبه

[frame="1 80"]تصدق ماهقيت اني اشوفك عقب هالغيبه
غريب اليوم وش جابك كثيره راحت اعوامي

حبيبي هو صحيح انك معاي او طيف واحكيبه
او ان الشوق كالعاده يصحيني من احلامي

اناظر فيك بعيوني اردد لا اهذريبه
تصدق حتى هاللحظه مصدق وانت قدامي

تعبت انشد عن اخبارك صرخت اسمك اناديبه
ألا يامعذبي وينك ذبحني جرحك الدامي

امل لقياك ودعني بعد ما كنت انا احييبه
تركني للزمان اللي عطاني جملة اوهامي

اخايل طيفك وفكري عيون الليل تسريبه
على حد الخفوق اللي يعاني الشوق وهيامي

حبيبي لاتعذبني كفاه القلب تعذيبه
كفاني ما عانيته من هموم وحزن وألامي

هلابك كثر ماغبتي هلا بالحب والطيبه
هلا يافرحة سنيني هلا ياحبي السامي

افز اقوم من نومي ارحبه واهليبه
اثر طيفه يحاكيني واحسبه صدق قدامي [/frame]

[frame="9 80"][glint]اخوووكم العابر[/glint][/frame]