ملحمة الملاحم في تاريخ الجبل لابن غسلان

بسم الله الرحمن الرحيم


الملحمه هي القصيده التاريخيه التي تذكر امجاد وتاريخ قبيله او منطقه بكامل احداثها التاريخيه وقد

نظمت هذه الملحمه التي تتحدث وتشرح تاريخ جبل طي (جبل شمر) منذ عهد النبوه وحتى توحيد المملكه

العربيه السعوديه وتبلغ ( 170 ) بيتا من الشعر 00

ونظرا لطولها فسوف انزلها على عدة اجزاء ودفعات ومن كان لديه استفسار او سؤال عن شي لم

يفهمه فأنا حاضر للشرح وهذا الجزء الاول:

[poem=font=",6,white,bold,normal" bkcolor="black" bkimage="" border="double,7,blue" type=2 line=0 align=center use=ex num="0,black""]

قـال الـذي صاغ الــذهـب فـي مـثـايله=تـشـدى نواويـر الـنـفـل فـي مـسايله
دلا يـديـر الـفــكــر فـي ديـرة الـجــبـل=ويـنـقـى جـزيل حروفـها عـن هـزايله
وجاب الـقـلـم والبوك والحـبر يمزجه=وسـطـر جـزيل القاف بأحـلى مـثـايله
حـايل مـساكن طـي فـي سابق الـزمـن=ويـامـا كوتـهـم فـي لـهـايـب قـوايـلـه
جـابـت مـثـل حـاتـم هـو الرمز بالكرم=وذبـح لـضـيـفـه مـن عرايـب اصايله
وابـنـه عــدي اسـلـم وقــابـل نـبــيــنـا=وقـدم لـه الـمــركـى لـطـيـبـة شمايله
ومـنــهـا ابـوتــمــام شــاعـــر زمــانـه=قــافـه زهــور فــيــاضـهــا لاتـمـايـله
ومـربـى لــزيـد الخــيــل فـارس زمـانه=الـلـي فـعــولـه بالـمــعــاديـن هـايـله
وبـنـي صخـر مـع نـور الاسلام تسكنه=وسباع طي مـن الـيـمـن جـت كمايله
فـي قـرنـهـا الـخـامـس لفت ديرة الجبل=بـنـي هــلال الـلـي وطـتــهــم ثـقــايله
ونار الـقـحــط بانـت بنـايـف جـبــالـهـا=وراحوا شـمالي مـصر تـومـي شلايله
وطـاح الخـفـاجـي فـي محـبـة عنودهـم=ومـشـى لاجـل عـيـنـه وبانـت ذهـايله
والـفــاطـمـي قـال انهـجــوا لابـن بادس=وان طـاح خـوذوا ديـرتـه مـع ثمـايله
ساروا لـتونس وابـعــدوا فـي نجـوعـهم=وكـلـن نـقــل صوبـه غــوالي نـقـايله
وصار اكـثــر اللي ساكـنــن فـي جـبالها=نسل الـفـضـول اللـي كـرامـن سـبايله
وراح الـفـضول عــن الـبـلاد وتـفـرقــوا=وبني صخـر تصفـر بتـيـمـاء محـايله
ومن عقب ست قرون من هـجـرة الـنـبي=سارت مـغـول الشرق تـشبه هـبـايله
كــتــايــبــن راجــت ومـاجــت وخــربــت=وفـي ديـرة الاســلام بانــت فــعــايله
ودولـة بـنـي الـعـبـاس طـاحــت قـبـالـهم=وبـغــداد شـافــت بالـلـيــالي هـوايله
وقــام الـمــمـالـيــك الاكـارم بوجـهــهــم=وقـطـز وقـف مـيـقاف واظهر صمايله
وحـلـف يـقـاتل دون الاسـلام وانـتـصـر=وهـزم مـغـول الشرق واهـلـك فصايله
وعــقـبـه بـدى تـضـيـيـع نجـد الـعــذيـه=وصارالجهـل والجـوع يشـمل عـوايله
حـتـى اللـغـه ضاعـت مـبـادي دروسـهـا=وقـامـت تـذابـح بالـهــنــادي قـبـايله
وفـي قـرنـهـا الـثـامـن لـفـوها الضياغـم=وبهـيـج وسـط الظـلع حـانت فـشايله
وثاروا عـلى سلــطـة بـهـيـج وتحـاربوا=وحـدوه يجـلـي يـوم ضاعـت وسايله
وتحـالـفـت فـيها جـمـوعـن عـلى الـوفـى=كـلـه سـلايـل طــي نـقــوة حــمـايله
وفـي قــرنهـا الـعــاشـر تـزايـد ضيـاعـها=وخـلافــة الاتــراك بـانــت غــلايـله
مـحـدن كـتـب عــنـهـا ولا راف حـالـهـا=وزادت مـذابـحـهـا وشـانـت عـمـايله
ولـفـى لـبـقـعـاء سـعـد ولـد الحـتـيـرش=مـن حـروة الـطـايـف ومـوقـع نثـايله
وشـايـع نزل عـنـد الحـتـيـرش وجـاوره=ولا خاف مـن ناسـن لـلارقـاب طـايله
وســعـــد ذبــح صـلال فــوق الـعــبـيــه=شـيـخ الـفـضـول وباعدوا عن جهايله
ومـن بـعــد مــده اكـمـل الـدرب مـشـمـل=وبـقـى بـهـا ثـلـثــن يـصـالي قـوايله
واكـثـر ديار الـطـيـب فـي سـلـطـة الـذي=هـابـت صواريـم الـمـراجــل سـلايله
الـشـيـخ ابـن بـقـار هـو شـيـخ الاسـلـم=سيفه ذبح من روس الاخـصام صايله
وخــلاف ابـن بـقــار هـــو والــطـــوالـه=ومــقــتــل ابـن بـقــار بـانـت مخـايـله
وفي مـقـتـلـه حـاز الـدغـيـرات لـلجـبــل=وصار الـنخـل مـيـراثهـم مع فـسـايله
وبـنـي تـمـيــم اقـفـت سحـايـب شريكـهم=وكـلـن ملك غــرسـه وشــدت حـبـايله
وابـن عـلـي بانـت عـلى الـدار سـلـطـتـه=واهـل الجـبـل حـبـو نـقـاه وخــصايله
هــذا وتـاريـخــه مـثــل نـجــد مـهـــمــل=ومحدن نـشـد عـن طـيـبـهـا من فشايله[/poem]

عشت عشيت وسلمت يابو فهد
ماقصرت يالذيب
لكن لاتواخذن القصيده من له لها اشعر معين يعني

بارك الله فيك الراوي فواز الغسلان
سعدت دوما

ونعم يابن غسلان

صح لسانك على هالملحمه الرائعه

اللي تتحدث عن تاريخ قبيلة شمر العريقه

ومتشوقين لقرائة باقي القصيده

سلمت يالعزوه

عشوق

ماعليها زوووووووووووعليك زود

صح لسانك وطااال عمرك ودااام عزك


لكن انااعرف انها اكثر من مية وخمسين بيت

وتظم التاريخ كله

ارجووووووا افادتي وشكرا

اقتباس: المشاركة الأصلية كتبت بواسطة بندرالشرعان    ماعليها زوووووووووووعليك زود صح لسانك وطااال عمرك ودااام عزك لكن انااعرف انها اكثر من مية وخمسين بيت وتظم التاريخ كله ارجووووووا افادتي وشكرا

هلا والله بالجميع وفعلا هي طويله ولكن راح تكون على شكل اجزاء

تحياتي للجميع

[align=center]صح لسانك يابن غسلان


وننتظر باقي القصيده


شكرا لك[/align]

بارك الله فيك الراوي فواز الغسلان

يامالا العز يابو فهــــــــــــــــد
على كل مواضيعك ورواياتك الطيبه
الله يسعدك ويسلمك يابعد حيي

[align=center]ابن غسلان

رااااوي الجبل


لاهنت على هذه الشامخه

الله يبيض وجهك وصح الله لساااانك يالعزوه



لك الغلا[/align]