بسم الله والحمد لله والصلاة والسلام على رسول الله
أما بعد:
أعجبت بهذه القصيدة أيما إعجاب
فأحببت أن أنقلها لكم علّها أن تحظى بإعجابكم
والله إني صبور وأصبر من الجمل ******* أظهر الضحك وأخفي في ضميري جروح
لا تكالب زماني ارتكي للحمل ******* مثل ضلع طويل ٍ شامخ له سفوح
الهبايب تلوفه ما يكل ويمل ******* ثابتٍ في مكانه والجبل ما يبوح
الرجال الضواري مثل هاك الجبل ******* عزوة اللي تعزوى من جروحه ينوح
طيبين السجايا ماضيين الفعل ******* بالصبر والعزيمة كم بنوا من صروح
ارفع الراس دايم لو حصل ما حصل ******* لا تزعزع كيانك خلي عندك طموح
أتبع اللي يعزك و أترك اللي يذل ******* رافق اللي يودك بالمشورة نصوح
من حكا لك حكا بك مثل قول المثل ******* من ضحك لك ضحك بك لو تشوفه مزوح
المكر و الخيانة من صفات الثعل ******* والحرارَ الأصيلة بالثريا تلوح
لو صفا لك زمانك ما يدوم العسل ******* الله اللي يدوم وغير وجهه يروح
يا الله اغفر ذنوبي عن جميع الزلل ******* الخطايا كثيرة و الله اللي سموح
منقول