من خان بك مرّه يبي باكـر يخـون

هذي قصيده





الحكمة هي أن يجتمع

الفكر الواعي

والتجارب

والبلاغة

تماماً كما تجتمع في هذه القصيدة.....

:









..كلٍ يعـوّد لاصـل جـدّه ومربـاه
راعي الشرف يشرف والانذال يهبون

..الفْرع من عوده شرابـه ومسقـاه
والحنظلة مرّه ولو تشـرب مـزون

..الطّيـب كايـد والمناعيـر تقـواه
والهون هيّن تدنع النفـس وتهـون

..ناسٍ على **ب المراجل مضـرّاه
وناسٍ على **ب الفشيلة يضـرّون

..هذا على وضح النقا كـل ممشـاه
وهذا الـى شافـوه ربعـه يصـدون

..لا تامن الخوّان لو زخـرف حكـاه
من خان بك مرّه يبي باكـر يخـون

..وافطن ترى زول الرّجاجيل تـوّاه
كم واحدٍ يعجبـك زولـه وهـو دون

..يا طيّب الشارات من يـوم منشـاه
احذر عدوّك لايغـدرك علـى هـون

..ترى عدوك غايتـه فيـك ومنـاه
يزرع بصدرك من قنا رمحه طعـون

..والّلي رضع لبـوة عـدوّك توقّـاه
الجرو ولـد اللبـوة الّلـي تعرفـون

..للطّير يالصقّـار بالرّيـش مغـواه
الجاهل الّلي باكثر الريـش مفتـون

للشاعر/ خالد الفيصل

وسلامتكم

..لا تامن الخوّان لو زخـرف حكـاه
من خان بك مرّه يبي باكـر يخـون

..وافطن ترى زول الرّجاجيل تـوّاه
كم واحدٍ يعجبـك زولـه وهـو دون

صح لسانه عزالله صدق بكل كلمه وحرف
مشكور على النقل اخي صبوحي

من اصعب الامور الخيانه
وبيع الشرف

اعاذنا اله وياكم
وسلم الامير خالد الفيصل

صبوحي

اسعد الله قلبك
اختيار موفق بانتظار جديدك

[align=center]
تسلم ولاهنت
ويعطيك العافيه

تقديرى


[/align]

صبوحي

(
)

..لا تامن الخوّان لو زخـرف حكـاه
من خان بك مرّه يبي باكـر يخـون


لاهان شاعرنا الرائع خالد الفيصل

وسلمت أناملك على النقل الرائع

أبيات قمة في الروعه

يسعدك ربي ياصبوحي

عشوقـ