خايلت برقن بعيدن شاقني ضوحه

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,7,black" type=2 line=0 align=center use=ex num="0,black""]

خـايـلـت بـرقـن بعـيـدن شـاقـني ضوحـه=كـن الـمـخـايـل بـعـيـنـي ثـار قــداحــه
وقـتـن مـزونه بطـيب العـشب مـمـدوحـه=تطـرب قـلـوبـن تراجي طـيـب مسراحـه
مـن شان ترجـع هـروج الـبدو ومـزوحـه=وتـصبح هـمـومـه مـع البراق مــنـزاحـه
كـن الـمـخـايل بـوبـل الـغـيـث مـفـتوحـه=وبشـرى بروقـه تــلــوح بـوجـه فـلاحـه
راجت وهـاجـت لها الـوديـان وسـيـوحـه=يازيـن وابــل مـخـيـلـة نـجــد لاطــاحــه
والـظـلـع يـجـمـع مـجـاري مـاه بـسفـوحه=وفوق الـمـناقـع قـشـوع الـقـاع طـفـاحـه
يروي كبـودن من الـمـجـداب وشـفـوحـه=لابان حـولـه خـضار الطـعـس وبـطـاحـه
وتمشي مجاري بيوت الحضر وسـطـوحـه=يازيـن لـيل الـمـطـر بـالـبـرد ومــراحــه
وصارت مـغـثة صدور الناس مـطـروحـه=والبـدو تـركـد ويسـكـت صـوت نـبـاحـه
وتسـرح مـناجـيـب راع الـذود بـصبـوحـه=مـن حـاز ذوده خـذا الـنامـوس وامــداحـه
مـاهـن بـشـبـكـن مـقـره حـول مـنـفـوحــه=بالـقـيـد سـيـقـت هــزيـلـن عـنـد ذبــاحـه
ذيــدان شـيـخـن عـزيـزن مـطـربـن روحه=مـاحـاش ذوده يـريـد الــمــال واربـاحــه
ترعـى فـيـاضن خـضاره كـنـهــا دوحـــه=تزهـى لشـيـخـن حـماهـن غـصب بسلاحه
جــعـلــه بــدارن بـهـا قـلـبــي وذابـوحـه=يصعب على القاف وصف الزين وايضاحه
حـيـثـه تـعـدى وصـوف الـنـاس وشـروحه=وشـوفـة عـيـونه قـمر عـمـري ومصباحه
غـنجـا غـنـوجـن بـوسـط الـبـيـض مـمـلوحه=لاشـفـتـهـا زان كـيـف الـروح وارتاحـه
قـصة غرامـي مـن الـهـوجـاس مـفـضوحـه=مـن نـار غـيـظـن بـوسـط الكـبـد فـواحـه
وان جيت ابي اربط خـيـول الشـوق وجموحه=تـرجـع سـبـايـب خـدودن تـقـل تـفـاحـه
ياصـعـب شـوفـة عـيـون الـزيـن وشـبـوحـه=او شـوف ثـوبـه او الـمـجـدول ووشاحه
دونـه وجـيـهــن مـن الـحـسـاد مــكـلـوحــه=نـاســن قـلـوبـه بـنـار الــحـسـد سـبـاحـه
لاهـو قـريـبـن يـلـوح لـنـاظـري صـوحــه=او نـطـوي الـيـاس لامـن طـال مشــواحـه
بالحـلـم شــدنا قـصـور الـعـشـق وصروحه=وذقـنـا قـراح الــغـرام الـزيـن بـاقــداحـه
والـيـوم روحـي عـلـى فـرقـاه مــجـروحــه=مـن يـوم راحـت بـعـيــدن فــوق لــولاحـه
دمـعـة عـيـونـي عـلـى طـاريـه مـسـفوحه=تـغـرق مـحـاجـر جـفـون الـعــيـن لالاحــه
وقصوص ذبـح الـغرام الـشـيـن مـشروحـه=كـثـر الـخـرز يـوم تقـطـع سلك مـسـبـاحـه
صارت تـشـابـه جـبـال طـويـق بوضوحه=مـاتوا ومـن عـاش غـث الـناس بـصـيـاحـه
كـبـد الـدجـيـمـاء غـدت بـالـنار مـلـفـوحــه=اهـــدى حــيـاتـه بـلاش لــعـيـن جــراحــه
وشــيخـان قـومـن غـدت بالعـشق مسـدوحه=وعـافـت مـجـالـس هـروج الناس وانـزاحـه
والـريـم مـاهـي بـذبـح الـروح مـســمــوحـه=والـظـرف يـسـمـح لـهـا سـجـه ومـرواحـه
تـدري بـنـارن بـوسـط الـكــبـد مــقـدوحــه=وصغـت اللـهـايـب قـصـيـد بشـاشة السـاحه
اكـتـب جـواهـر حروف الـقاف مـن بـوحـه=اســرع مـن الـطـيـر لا مـن شـاف مـلـواحـه
وامـسـيــت هــذا هــنـى بـالـي ومـربـوحـه=امـشـي دروبــن يـضـيـمـن جــرح زنــاحــه [/poem]