جريح الهوى الوافي بجرح الحشى ماجور

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,7,black" type=2 line=0 align=center use=ex num="0,black""]


جريح الهوى الوافي بجرح الحشى ماجور=مدامه كتم جرحه من الصاحب اللي جـار
وجمر الهوى فوحه مثـل صالـي التنـور=على اللي فقد خل غرامـه غـدى تذكـار
وظلم المحبـه بالعـرب ذايعـن مشهـور=رمى قيس مع ليلى على حامي المصهـار
انا كنت احسب ان الغلا من حمـام الـدور=ولا جاء على بالي غثى الزايـر اللـي زار
صبر خافقي يرجي عشيره ثمـان شهـور=لعل الغـلا ترحـم خفوقـن وقـع بالنـار
واخاف الغلا مع جور وقتي تزيـد الجـور=ولا اشوف مجدولـه ودور السنـه مـادار
واذا دار دور العـام خلـي مهـو معـذور=وهو عارفن عقبه بقلبي وش اللي صـار
غديت اشتكي ليلي سهيرن تقـل مكسـور=وهو جاهلن جرحن جحم جسمي المنهـار
ينام الغلا ليلـه مثـل نومـة العصفـور=قضى ليلته دافي بعـش الهنـاء ماطـار
وانا ساهرن جفني على الجـادل الغنـدور=ابي شوف من يطرق بوسط الحشى مسمار
شطف شوفتي رمشن خمش قلبي المسحور=قعدت ابترم لاجلـه مـن البيـت للـدوار
ابي شوف مجدولن علـى متنهـا منثـور=يجي عطرها الفايح بريح الهـواء لا ثـار
عيون العنود اللي رعت حاجرن ممطـور=جفولن خجولـن دامعـن موقهـا مذيـار
مع العصر وغيومه تغطي شعـاع النـور=وبراقهـا يشعـل سحابـه تقـول افنـار
مزونه تراكم بالسماء مثـل روس القـور=وحس الهواء بالغصن يصفر تقل مزمـار
هطل طشها الطايح مثـل ناقـط القاطـور=يغسل الغصون اللي كساها الدهـر بغبـار
سحابه سكب وسط المسايح من الميسـور=رسى السيل بسفوح المسايل تقول انهـار
سروح الفرح تلفح على الجانح المقهـور=اذا راج بافواجـن علـى موجـه الغـدار
غدى ريفها يجمع مع العشب لون زهـور=ومن زين زخ المـزن زاد الزهـر نـوار
من البعد مازرفـل بريضانهـا المظهـور=ولا داجها زملـن طليقـن بـدون هجـار
ولا جاه من يطبخ طعامـه علـى دافـور=وكيس اللحم شاله بدربـه مـن الجـزار
وهو ناقلن خمسة بنادق وخمـس طيـور=ولا كل من ينقـل طيـوره غـدى صقـار
الا ياهوى بالـي خفوقـي وقـع مجـدور=يبي يصدر احكامه واشوفه وقـف محتـار
اذا قلت ابي نسيان مبسم شبيـه الحـور=وش النفع من شوق العنايد بـلا مسيـار
رجف خافقن يعلن غرامه لنفـخ الصـور=وقال الجفى تسمع بموتي علـى الاخبـار
وصبري معه يعني وقوفي مـع الطابـور=لعل الغلا تسمـح بقربـه بـدون اضـرار
لعب بالحشى الضايع تحت صفقة الجمهور=واذا ضقت من جور الموده خذيـت انـذار
وهو حق من يتلي هوى الصاحب المغرور=اذا كان في مشوار حبـه غريـب اطـوار
عشيرن غدى يعرب خفوق الحشى مجرور=وانا اللي رجيته ترفع الروح عشـر ادوار
حسافات ياقلبـن صدوقـن وقـع مدمـور=عبر داخل امواج المحبه وجـاه اعصـار
بدرب الهوى الجاير وغدره خذى خابـور=سجينن وسـط داره وخلـه نـزح لديـار
سبب طيحتي صدقي مع اللي غرامـه زور=وطبع الوفى الغافل مع الخافق اللـي بـار
ايا صاحبن قصره بجوفـي بقـى معمـور=وهو هادمن قصري قبل ينصف المشـوار
ابا انساك واكتب في وداعك ثمان سطـور=اداوي بها جرحي من الصاحب اللي جـار [/poem]