الخمسين قصه الاولى في الكرم والطيب

هذه نبذه لاشهر مواقف الرجوله العربيه الموثقه تاريخيا

وهي مجهود متواضع اضعه بين ايديكم يالعزوه000

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/3.gif" border="double,4,black" type=2 line=0 align=center use=ex num="0,black""]

قـال الاديـب الـلـي يـروم الـبــداوه=والـناس فـي مـيـزان حـكـمه تسـاوه
ويشهد لمن حاز الصخى والـنـقاوه=واللي زعـل مـن قـولـنـا مـااتـرضاه
الـيـوم كـل الـنـاس صـارت ذيـابـه=تـبـنـي بـيـوتـن كـان سـاسـه خـرابه
واللي يـريـده يـكـتـبـه فـي كـتـابـه=ويـطـبـع كـتـابه بالسنه عشر طـبعاه
وانا نويـت اكـتـب حروفن نـقـيـتـه=ورفعت جدران القـصوص وبـنـيـتـه
وعندي دليل اللي جزمـت ورويـتـه=ودرب الخـطـأ لازم بالاقـدام نـاطـاه
نـاطـى الـخـطـأ لـكـنـنـا مـانـعـيـده=ولا اقول قولي لاجـل شيـخ ورصيده
واللي كذب بالقول غـصـبـن نصيده=ولو يشـتـمـن وسط العرب ماشتمناه
اذكـر روايـات عـلــومـه شـهـيــره=صارت لـمـن عاشوا بوسط الجزيره
ومااقـول انا مـاصـار بالطيب غيره=لكـن ذكرت الـلـي سـمـعـنـا وقـلـنـاه
الـطـيــب واجـد غـيـر ماصار معنا=وحـبـيـت اعـد الـلـي بصـدقه سمـعنا
وهـذا الـذي لاهـل الـمـكـارم جمعنا=والـصـدق يـاصـلـنـا ولـو مـاوصلـنـاه
واللي روى علمن ولااحدن درى به=علـمـن كبـيـرن مـثـل شـامـخ هـضابه
نقول يااهل الـعـرف مـن ويـن جابه=كيف اخـتـفـى دامـه مـثـل ظـلع اباناه
اعـظـم مـفـاخرها خـذاه الـسـويطي=صنـيـتـان جـرحـه بالضماير محـيطي
قـلـبـه بلاهـوب الوفى يسـتـشـيـطي=ابــنــه عــلــى جــاره تــقــدم وذكـاه
والـثـانيه طـيـبـه خـذاه الـسـبـيـعـي=الـلي فـعـل لـه فـعـل مـاهـو طـبـيـعـي
لاجل المهادي والـشـرف لايضيـعي=مـفــرج شـلــع راس الـولــد ثـم درباه
والـثـالـثـه عـمـران ولـد الـبجـيـدي=ادخـل دخـيـلـه عـن سـيـوف الـعـنـيدي
وهـو يـطـلـبـه دم الغـلام الـفـقـيـدي=عـسـى ولـي الـعـرش بالطـيـب يجـزاه
والرابعه طـيـبـه لـصـبـر الـمـهـادي=مـع جـاره اللي فـي ردى البـنـت زادي
وقال اصبري والصبر درب السدادي=وصبـر ثـمـان سنـيـن والـظـيـم ياطاه
والخـامـسـه شـيـلـة خـوي كـسـيـري=سـبـوعـيـن ماهـابـوا طريقن عسيري
وفازوا بها الشلقان عـقـب المسيـري=وكسـيـرهـم فـي زيـن الاشعار جـازاه
السادسه طـيـبـه لـشـيـخ الـظـفـيـري=اللي حـمـى مـاجـد بـسـيـفـن شطيري
راع الـبـويـت اللي مـقـامـه عـطيري=دغـيـم ثـنـى دونـه عـن الـقـوم وانجـاه
والـسـابـعـه لـلـي بـقـرن الـشــمـالـي=ادخـل عـن الاتـراك مـن كـان جـالـي
والـتـرك جـيـشـه مـثـل وبـل الخـيالي=وابـن سـمـيـر اعـلـن مـواقـف حمـياه
والـثامـنــه شـالـه حـمــد ولـد عــيــده=نـخـاه مـربـوطـن شـكـى نـار قـيــده
وصار الـثـمـن فـي كـل ماحـاشت ايده=من قوم ابن مرشد عـسى الخير ملفاه
والـتـاسـع الـلـي قـدم الـطـفـل نـايـف=لـلـذبـح عـن جـارن حريمـه ضعايـف
سلـيـمـان قـال الـطـفــل نلـقى خلايـف=وبـنــي عـطـيــه طـيـبـهـم طال مـبناه
والـعـاشـره لـلـي عـطـى الـشـاة ذيـبـه=ذيـبـن كبـيـرن والـدغـيـري رضي به
ابـن سـعــيــد شــاع بـالـنــاس طـيــبـه=يوم الـعـرب بالـجـوع تـبـلـش بدنـيـاه
ومـثـله فـخـر لـلـي بـلـيــلـه يصـيـحـي=لـلـي وقـع مـن جـوع بـطـنـه طريحي
يوم المـجـاعـه والـزمـان الـشـحـيـحـي=ابـن مـهـيـد الـلي عـلـى الطـيب ناداه
واللي وقـع بالـقـبـر مـن صـوت ناخـيه=فـايز مع ابـن سويط والـضـيـم كـاويه
وياغـيـبـة ابـن هـذيـل بالـحـال تـنـهـيـه=وعقوب فـي دربه على الـقـبـر خاواه
وابـن دعـيـجـاء مـن شـيـوخ الشـرارت=اللي هـوادي ضـيـفـتـه روس خـلفات
والـنـار مـن خـام الـجـمــيـلات طـاقـات=واكـمـل عـشـى ضيفه وحاز الطويلاه
ومـقـعــاد ابـالـظـلـعــان يـرجـي خـويـه=كـسـيـر طــاح بـسـهــلـة جـرهــديـه
ربـعـه تـمــيــم اهــل الـعــزوم الـقــويـه=شـهـريـن لـيـن الله مـن الكسر شافاه
ومـثـلـه مـن الـجـنـفـاء قـعـد مع خصيمه=عـقـيـل والـمـجـدور مـن دون خـيمه
عـقـب الـعــداوه صـار خـصـمـه نـديـمـه=صعـبـن ولـد عـمـه يـذوق الـمـهـوناه
وافـعــال خـر الــذيـب بالـطـيـب شـاعـه=مـن نـقــوة العـجـمان واهل الشجاعه
يـشـيــل مـقــطــوع الـطـريـق بـبـراعـه=مـاخـاف تـهــديـد الـمـهـنـدس وفرقـاه
وذكـرت ابـن نـاحـل مـع الـلـي يـراجـيـه=لـو مـاكـسـب يعـطي ضـعـيفه ويحذيه
مـن شـان مايـتـرك طريـقـن مـشـى فـيـه=واشـعـار ابـومـاجــد بالامـداح تـلـقـاه
والـلـي يـعـيـد الــذود مـن شـان جـربـوع=من مـلحـتـه ذوده على طـول مرجوع
وهـي لقـمـتـن ماتـطـرد الضعـف والجوع=الـلــه يــبــارك فـي رفــيــقــن تـولاه
والـلـي طــرد ذوده قــبــل يـارد الـبــيــر=من شان يسـقـي ذود بعـض المسايـيـر
سـواه ابـن طــارش وفــيـهــن مـعـاشـيـر=وطـاح الـعشار من الذي طـاب في ماه
وبـمــطــيــر سـواه ابـن هــدبـاء عـيـانـي=مـع الـعـتـيـبــي فـي قـديــم الـزمـانـي
ولا واعـــذابــي كــان جـــاري حـــدانــي=قــالـه ســمـيــر وراعـي الـبـيـر بـداه
واذكـر بـلـي والـلـي بـهــم شـاع صـيــتـه=حـمــد نـقـض للضـيـف عـمـدان بـيـته
يـوقــد عـشـى ضـيــفـه وفـعــلـه رويـتــه=وعـقــبـه وقـع بـيـتـه ولاجـاب طـرياه
والـلـي مـشـى لاجـل الـغــنــم عـنـد جاره=واسـقـى الـغـنــم مـن در غـالـي بكاره
مـطــلــق مـن الـتــومـان والـطــيـب كـاره=ساق الغـنـم والناس تمـشـي بمـمـشـاه
والـلـي حـمــس واحـرق خـيـاش الـقـهـاوي=ابـن لـحـيــدان الـتـمــيــمـي شـفـاوي
يــوم الــدهـــر يـمـــنــع ردي الــهــقــاوي=مـنـتــوج صنـعاء جـابه الشيخ واغلاه
والــعـــوهـــلــي دلا يـعــالــج جــريـحـــه=تـســعــيــن يـوم وكـل يــوم ذبـيــحــه
مـاجــاب لــربــوعــه بــوادر فــضــيـحــه=وهــذي سـلــوم الـمـرجـلـه يالـقـرابـاه
والـلـي كـفـل بالـطـيـب رمـل الـقـبـيـلـه=وعـشــاء الارامـل كـافـلـه كل لـيـله
ابـالـرمــل سـالــم فــعــولــه جـمــيــلـه=مـن روس شـيخـان الكرام الطـوالاه
وصـاح الـقــريـفــه قــال ويـن الحـمـيـا=ومـطـيــر ربـعــه شـاع طـيـبـه بلـيـا
والـطـــيــب لـلـي راقــــدن مــاتـهـــيــا=وراع الصخـى لابـد مـن يــوم يلـقـاه
والـلـي نـقــل لـلـجــار غــالـي شـيــاهـه=فـوق الـخـيــول وجـارهـم بان جـاهه
والـحـرب مـاتـمــنــع رجــال الــوجـاهه=مطـارفــة وايـل عـلـى الطـيب منشاه
وتـسـعـيــن يـعـطـيـهـا الـسـويـطي هديه=لـنـهـيــت ولـد بـريــك مـالـه جـزيـه
كـــلـــه نــيــاقــن لاحـــوار ولــقـــيـــه=صـديـق ابـوه الـلـي مـن الضيم ينخاه
وصـوارم الـهــيــلا فـعــولــه صـعـيــبـه=ردو نـيــاقـن عـقــب مـاهـي نـهـيـبـه
حـيـثــه حـلـب فــي راس تـركـي حـليـبه=شـيـخـن صـواريـم الرجـاجيل تنصاه
وراح الـصـعـيــدي لـلـكـويـت بـمـسـيـره=لاجـل الـعـجـوز اللي دمـوعه غزيره
تـبـي الــولـــد بالــتــمــر يـاكــل بـريـره=ومـن الجـبـل جـمـسـه مـع الليل وداه
وابـن لـهـيــلـم وقــفــتــه لابـن غـســلان=اعـطـاه شـاة الـضـيف لو كان زعلان
قال اسكـتـوا عـن راعـي الطـيـب يافـلان=لـولاه ضـايـق مـا تـقــدم عـلـى الشاه
وزيـد الـعـجـاجـي عـقـب طـيـب التميمي=الـلـي جـمـيـلـه بـالـزمــان الـقــديـمي
انـجـى حـلالـه مـن قــرار الـخـصـيــمـي=وعادت جـفـيفاء عقب الامحال واحياه
والـلـي يـهــلـي بـالـبــقــر وســط لـيــلـه=يـظـنـهـا ضـيـفــن تـبــع ريــح هـيـله
ابـن فــزيــر الـلــي مــثــل وبـل سـيــلـه=مـن مـزنـتــن بالـوسـم سـالـت شغاياه
والـلــي صـبــر قــدام ضـيـــم الـقــرايـب=ومـاتـوا عـيـالـه من عطيب الضرايب
واخــوه راح وصـــابـرن لـلـمــصـــايــب=جــديــع بـن قـبــلان والـعـفـن يـفــداه
واللي يـقـيـم اسبـوع فـي مـدخـل الـشـيـخ=من شان رجل(ن)من رجال(ن)مطانيخ
وحـمـى ظـويـهـر عـن سـيـوف الـمـناويخ=هـذا عـبـكـلـي شـيـخــنـا فـي حـمـيـاه
والـشـايــب الـلــي مـاتـحـلـل عــظــامــه=الـشـيــخ ابـن هــادي عـزيـزن مـقامه
فـي مـجــد قـحـطــان الـعــزيــزه عــلامه=اقـفــى عـلـى بـيـض الـفـعـايـل وخلاه
والـلـي نـخـى عــدوان شـيــخ الـطـــوالـه=يـبــي الـكـفــيـل الـلـي عـلـيـه الكفاله
وعـاقــب مـنــيــع وشـال كـامــل حــلالـه=وسـدد بـريـك الـلــي بالاشـعـار يـنخـاه
وصاهــود بـن لامـي شـهــيــر الـمـغـازي=وسـاجـر كـمـا ذيـبـن عـوى بالـنـوازي
يـاطــون ريـضــان الـجــلــد والــعــزازي=اللي غـدو بـيــن الـمـخـالـيــق مـدعـاه
والـلـي وقــع مـن شــاب خـاضــب يـديــه=ولاجــل الـمـحـبــه زار حـوض المـنيه
مـثــل الـدجـيــمــا والـمــطـــوع ضـحــيـه=ومـخـلــد نـخـى وادرك حـبـيـبه بلاماه
والـلـي لـبــس مـن شــدة الـوجـد خـيــشـه=باسـبـاب ريـمـن طـاح من قصف جيشه
وطـاحـت حـيــاتـه بالـمـحـبــه غـشـيـشــه=مـحـــمـــد الـعـــمــار لا حــل طــريـاه
والـلـي مـن عـيــالـه شـكــى نـار الاتـعاس=ودعـى عـلـيـهــم دعـوة تـجـلـب الـباس
ومـن دعــوتــه طـاحـوا بـقـطـاع الارمـاس=وجحـيـش سـارت بـيـن الاقـوام شكـواه
واللي حـمـى الـنـسـوان عـن نـقـرة الضـيق=من نـقـرة المـشـهـد عـلـى فـكـة الـريق
اربـع بـنــات(ن)فــي وصـوف الـغــرانـيــق=وسليمان بن حـتـروش بالـطـيـب سـواه
والـلــي لـقــى حــتــفــه بـمــقــتــل بـنــيــه=ومـثــلـه تـمــوت الـمـهــرة الـثـابـتـيـه
يـوم الـعــرب فـيــهــا الــنـــدى والـحـمــيـه=مـاتـوا لـمــوتــة واحــدن طــال مـبـنـاه
والـلـي لــمـح داب(ن)بـراس الـشـطــيــبــي=يـنـزل عـلـيـه الـطـيـر ظـنـه عـسـيـبـي
داب(ن)عــمــى قـــدام عـــيــن الــذويـــبــي=وزاد اتـكــالــه فــي بـديــع الـسـمــاواه
والـلـي تـرك ظــبــي الـمـفــالــي طــلــيــقـه=ذكــر وصــاة(ن)شــالـهـا مـن رفـيـقــه
والجــوع وســط الـجــوف مـثــل الـحـريـقـه=بـس الـخــلاوي مـايـخـــلـــي وصــايـاه
ســوالــــف(ن)لـلــطــيـــب صـــارت دلايــل=وفـيـهـا لـصــدق الـهـرج قـول وفـعـايـل
والـصــدق واضــح نـدعـــمـــه بالــمــثـــايـل=من راوي(ن)فـي مـصـنـع الـذهـن نـقـاه
مـوضــوعــنــا يـمــكــن يـصـيــر الاخـيــري=مــادام مــالــي بـالـخــلايـق نـصــيــري
الـطــيــب طـيــبــي والــكــرامــه لــغــيــري=وان طـحــت مـحــدن قـال يالـربـع ويلاه
اصـبـحــت كـنـــي لـلـمــخــالــيـــق شـمــعــه=تـسـكـت وتـرسـل مـن لـظـى النار دمعه
ومـحــدن رمــع جــرح الـمـعــالــيــق رمــعــه=وحـنــا الـيــا ضـاق الـرفـاقــه رمـعـنـاه
والـحـــمــــد لــلــــه عـــــد مـا لاح بـــارق=واعــداد نــور(ن)مـن لـظـى الشمس شارق
مـن خــافـــقـــن تـكــويــه نــار الـمـطـــارق=ورقــى جـبــال الـصـدق مـا هـاب مـرقـاه[/poem]

من اطلع على قصه ولم يفهمها من واقع القصيده فعليه السؤال

وسوف اشرحها لكم بالتفصيل انشالله

ابو فهد انت كنز ماشاء الله تبارك الله عليك
وودنا لو نسوي الكثير لجل عينك
مالنا الا تمييز الموضوع فقط هذا اللي أقدر عليه يابعد حيي
وماقصرت بقصيدتك وصح لسانك يابعدي

ونعم بأهل البيوت اللي سكتوا صياح الجيران بذبحة ولدهم
وهذا مفخره لهم ..
وقصة المهادي والسبيعي من القصص
اللي تحكي الأجيال عنه ..
وخوة الشلاقي تنشرى بالأثمان يابو فهد

ونعم بمعيشين الذيب ربعي الدغيرات ..

وكرم الدعيجاء يوم ذبح حلاله كله عشان الضيوف
وخلا الروس هوادي هذا الطيب والله

تراني ابعلمك اني عندي علوم وسوالف
مو بس انت يابو فهد هههههههـ ..

ابسئلك عن سالفه هالبيتين

اقتباس: واللي حمى النسوان عن نقرة الضيق من نقرة المشهد علـى فكـة الريـق اربع بنات(ن)في وصـوف الغرانيـق وسليمان بن حتروش بالطيب سـواه

تقديري / عشوق

ماقصرت فوازالغسلان
بيض الله وجهك يالراوي الداهيه

فوازالغسلان

عشوق000الخلاوي000الحيران

مشكورين كل الشكر على اهتمامكم بالموضوع يالعزوه

واللي سألت ياعشوق هي قصة سليمان العبيد بن حتيرش:

كان قديما على الحدود السعوديه العراقيه يعمل بالجيش وكان كثير من اهل الباديه معهم زوجات من

بقعاء فكانت المرأه اذا ضايقها زوجها ومالها والي بالباديه تزبن على سليمان فيقوم بحملها على جمل

ويهرب بها الى اهلها ببقعاء من باب الحميه فزبن عليه اربع نسوان في فترات متعدده وكلهن يوصلهن

لاهلهن ببقعاء00

فواز الغسلان

مبدع دوووووووم راوينا
الله يعطيك العافيه على هالقصه
سلمت يداك من كل شر
احترامي لسموك


تقبل مروري ..
بقايا حلم ..

ماقصرت يابو فهد على التوضيح
دمت بخير يابعدي

ابو فهد
ماشاء الله تبارك الله عليك اشكرك من القلب
وفقك الله راوينا

[align=center]راوي الجبل


ابو فهد


لاهنت يابعدي وحيي انت الله يبض وجهك يالطربه

كفيت ووفيت طال عمرك


ونعم باللي ذكرتهم جميييييييييع واهل الطيب ذكرهم باقي على مر الدهر


لك الغلا يالعشير [/align]

بقايا حلم00عشوق00 ياسر شمر 00الاخ سرحان

اشكر تفاعلكم وتعليقكم النبيل يالعزوه

[glint] كل عاده مايخفيك مبدع بكل قص بنضمها وطرحاها كانها خارجه من الشخص نفسه [/glint]

๑ஐ◄▓▒-->يعطيك الف عااااااااااافية <--▒▓►ஐ
๑ஐ◄▓▒-->شـكــ وبارك الله فيك ـــرا لك ... لك مني أجمل تحية . <--▒▓►ஐ
๑ஐ◄▓▒-->شـكــ وبارك الله فيك ـــرا لك ... لك مني أجمل تحية . <--▒▓►ஐ
๑ஐ◄▓▒-->شـكــ وبارك الله فيك ـــرا لك ... لك مني أجمل تحية . <--▒▓►ஐ

[rainbow] !__۩۞Ξ…۝…Ξ۞۩ تقبل مروري ۩۞Ξ…۝…Ξ۞۩[/rainbow]
[glow1=0000FF]۞۝♥'↓صـ ع ـب الـمـنال↓'♥۝۞¬ حتى ظلي له مهابه ¬[/glow1]

[align=center]يسلم راسك أبو فهد و تسلم يمينك على التوثيق الجميل

أخ فواز لك كل الإحترام

فاصلة بيضاء[/align]

بيض الله وجهك يابوفهد ..
ولي رجعه لها ..

مشكورررررررررررر يابو فهد على هذا الجهد