السلام عليكم ورحمة الله وبركاته
كل عام وانتم بخير وصحة وسلامة
آآآآآسف جداً على فترة انقطاعي الطويلة بس العذر والسموحة منكم
وبهالمناسبة اهديكم قصيدتي ( الغفران )
[poem=font="Times New Roman,6,darkblue,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/12.gif" border="groove,4,darkblue" type=2 line=0 align=center use=ex num="0,black""]
ألا يالله يا خالق جميع الناس يا رحمان=إلهٍ تعلم أسرار العباد وتحصي أقواله
تسبّحك الأراضي والطباق السبع يا حنّان=كما إنك قادرٍ تعطي لعبدك كل ما ساله
تجيب لمن دعاء بأسمك الأعظم يطلب الغفران=نظرك بعين من يرجي ثوابك بآخر أعماله
وأنا شاعر .. ولكني أحط الشعر بالميزان=أجيب المستفاد اللي أشوف الناس تهواله
عن الزلّة عن الميله عن الغِِيبات والبهتان=أجنّب عظمة لساني .. وفال الله ولا فاله
ألا يالله يا ربّي نبي عفوك من النيران=بني آدم بلا عفوك .. ضعيف بجهده لحاله
خذتنا لذّة الدنيا بها نركض بلا حسبان=ووقفنا اليوم نتذكّر ليوم الحشر وأهواله
عِبَر والمعتِبر تنفع له الذكرى عن النسيان=بيومٍ تشخص أبصار العباد .. وحالته حاله
جميع الناس له آجال عَلَمها الواحد الدّيّان =بيومٍ ينفخ إسرافيل نفخة تأخذ آجاله
وإذا الأرض مدّت .. والجبال القاسية كثبان=تصير تراب من هولٍ عظيم حلّ زلزاله
فـنـــــاء شـامل .. ويبقى المنفرد بالشأن=تعالت قدرته ماله شريك ولا به أمثاله
يوم الهول يوم العرض يوم إن السماء دخان=وكلٍ قام من قبره .. يتحرّا العرض لأعماله
فمَن يعمل من الحُسنى ينال الكتب بالأيمان=ومَن يعمل من السيّء .. جزاء السوء يجزاله
وحنا يا بشر فوق البسيطة داءنا النسيان=فمَن لك يا ضعيف توجّه الدعوة وتنصاله
وأنا لا ضاقت بوجهي .. رفعت الكفّ للمنّان=يمنّ بفضله وجوده على عبده بأفضاله
وأنا لامن بغيت اشكي .. شكيت لمنزل الفرقان=عليه ولا على غيره .. هو اللي دوم يشكاله
وأنا لامن همّي زاد .. وحلّت فيني الأحزان=توجهت لطلب ربٍ جميع الناس تلجاله
تطهرت ونويت أسجد لمولانا له الإحسان=كريمٍ ما خسر عبدٍ رفع كفّ وتعناله
تعالى خالق الدنيا .. تعالى مصوّر الإنسان=تعالى غافر الزلّة .. تعالى من سجدناله
ألا يا قابل التوبة طلبنا عندك الغفران=أنا بنادم وأكيد أخطي ولا أحدٍ ضامن أفعاله
رفعنا كفوفنا نطلب من المولى عزيز الشأن=ألا يالله تنجينا عذاب النار وأهواله[/poem]