تسولف لي عن الضيقه وأنا كلي ألم وأحزاان
وأنــــا من وين ماناظر بعيني شفــــت ضيقاتي
تسولف لي عن الضيقه وأنا عنوان للحرمان
دخيــــلك لا دخيل الجرح لاتكشــــــــف معناتي
حبيبي لاتشجــــعني اسولف واكســـر الكتمان
تعبــــت من السكوت اللي تعود يسكن بـــذاتي
عـــليم الله مافيني شبر يضحك بفرح واشجان
وأنا لوجيت ابضحك لك أجيك أضحك بدمعاتي
حياتي شعرن وشاعر وجمهوري بقايا أنسان
ونقــــادي زمــــن قاسي ولايفــــهم كتاباتــــي
انـــــاظر للبشر حولي أحد يضحك أحد طربان
وأنا صعبن علي أضحك اســايرهم بضحكاتي
عجزت اكذب على نفسي بفرحه مابها ألواان
وحزنــــي ماعجز عني بـــدا يرسم نهايــــاتي
طريقي صعب وجروحي كثير وداخلي ضميان
ابــــي لــــويوم واحد أحاول أجمـــــــع شتاتي
أنــــا قصه تبعــــثرت وتطايرت بزمن خـــوان
تعلمـــت اخسر البسمه واداري عضة شفاتي
ابكــــتب لك وبالخط العريض وريشة الفنــان
انا الخسران توقيعي واناالخسران بصمــاتي
اكمل لك عن الضــيقه اكمل لك عن الآحزان
تــــأكد لو بكمل لك تصيــــح وتطلب سكـــاتي
لكم مودتي .. ياقــggته...