[ أقول: صب شـاهي ( بس ) !! ]

•المشهد الأول•
\
/
رئيس دولة + رئيس دولة
الأول : وش أخبار دولتك ..؟
الثاني: الأمور فيها تمام بس مشكلة هالحدود مأرقتني شوي وما تخليني أنام !
الأول: أنتم لسه ماحليتوها ..؟!
الثاني: يا خوي أنا احصلها من الحدود أو الشعب أو .. أو ..
أقول: صب شاهي بس !!







•المشهد الثاني•
\
/
وزير + وزير
الأول: وش أخبار وزارتك ..؟!
الثاني: الأمور فيها تمام بس العجز المالي شوي مأرقني وما يخليني أنام !
الأول: للحين ماعرفتوا الخلل ..؟!
الثاني: أنا احصلها من العجز أو الإختلاسات أو .. أو ..
أقول: صب شاهي بس !!






•المشهد الثالث•
\

مدير + مدير

الأول: وش اخبار إدارتك ..؟!
الثاني: الأمور فيها تمام بس تسيّب الموظفين شوي مأرقني وما يخليني أنام
الأول: للحين ما عالجت الوضع ..؟!!
الثاني: أنا أحصلها من الموظفين أو رؤساء الأقسام أو .. أو
أقول: صب شاهي بس !!







•المشهد الرابع•
\
/
موظف + موظف
الأول: وش أخبار شغلك ..؟
الثاني: الأمور فيه تمام بس موضوع الإجازة شوي مأرقني وما يخليني أنام
الأول: للحين ما وافقوا لك عليها
الثاني: أنا احصلها من الأدارة أو المراجعين أو .. أو
أقول: صب شاهي بس !!







•المشهد الخامس•
\
/
مواطن + مواطن
الأول: وش أخبارك اليوم ..؟
الثاني: الأمور تمام بس مشكلة الشغالة شوي مأرقني وما يخليني أنام
الأول: للحين ماجتك التأشيره ..؟
الثاني: أنا أحصلها من من مكتب العمل أو الإستقدام أو .. أو
أقول: صب شاهي بس !!







•المشهد السادس•
\
/
زوجة + زوجة
الأولى: وش أخبار عيالك ..؟
الثانيه: الأمور تمام بس هالولد اللي ما توظف شوي مأرقني وما خلاني أنام
الأولى: للحين ما حصل وظيفه؟؟
الثانيه: انا احصلها من وظيفة الولد أو خطبة البنت أو .. أو
أقول: صبي شاهي بس!!










•المشهد السابع•
\
/
عامل + عامل

الأول: كيف كفيل مال أنتا ..؟
الثاني: كويس بس هذا مشكل راتب يسوي تفكير ومافي نوم
الأول: ليش هو ما يعطي راتب ..؟
الثاني: انا مشكل كفيل أو مشكل بيت مال أنا أو .. أو
صديق: جيب شاهي !!







•المشهد قبل الأخير•
\
/
غريب الوطن + ( .. )
( .. ): هــا بشرني كيف النوم معك ..؟!
غريب الوطن: والله النوم زفت ولله الحمد ! كل يوم احس فيني النوم أقوم أنام بس ما أنام !
( .. ): لا تفكر كثير أنت تحب




غريب الوطن: أنا أحصلها منك أو من الطلبات أو من الدوام اللي باقي له اسبوع أو .. أو
أقول: صبي شاهي بس !!







•المشهد الأخير•
\
/
كل الناس بكل فئاتها ومكاناتها الأجتماعية تعاني من هموم تؤرقها وكل واحد همومه
على حجمه وكلن ( يصب شاهي على قد البيالة او كاسه اللي بيده ) !!
ولا تعالوا عندي اصب لكم شـــااااهي



يقول أبو شهاب :

مالنا منيّة على حــدا

مشاكره رائعه يابنت البدو
يسعد ايامك
على طرحك

طبعا صحيح كل على حجمه ويصب على مقاس كوبه
اشكرك بنت البدو

وكلٍ على همه سرى


بنت البدو موضوع رايق وخطير بنفس الوقت
وحضور جميل

سلمتي

موضوع حلو وفيه إبتسامة حلوة وواقعية في المعاناة



على قدر صب الشاهي تكون المعاناة



اقول صب الشاهي بس



لكن بعض المشكلات والصعاب لاتكفي معاها صب الشاهي



ولاتكفيها البياله تحتاج بريق كامل



وعساك تلقى الحلول



كل االشكر لروعة الأختيار والحوار الجميل والمبدع

موضوع رائع ,,,
باك الله فيك أخية ..

عساك تسلمي بنت البدو عالنقل

الله لا يحرمنا منك ولا من مواضيعك

أعتقد ان لا أحد يستطيع حل مشاكله بكوب شاي .. ولكن الأمر ربما يكون نوع من محاولة ( الروقان ) أو ربما يكون صبّ الغضب في كوب الشاي .. ( يعني أحط حرتي فيه ) ..

لكن حقيقة .. الشاي يجعل الإنسان احياناً يُفكر بهدوء كما أنه يأتي بحلول بعد هذا الهدوء .. خصوصاً حينما يقترن بالصمت لفترة من الزمن ..


يعني معصب .. اشرب شاي لمدة ساعة أو ساعتين و انت ساكت ..

موضوع حلو
حلت ايامك بنت البدو

يعطيك العافيه
بنت البدو على
الطرح الرائع

وانا صبيت شاهي وجلست امخمخ على موضوعك
تسلمي يابنوته على الموضوع المميز
يارب يسعدك

[glow1=66CCFF]بنت البدو
سلمت يدك ع الطرح المميز

دمتي في حفظ الرحمن[/glow1]

موضوع تطرق لمشاهد موجوده في مجتمعناااا

رأقت لي قراءته

بنت البدو

شكرا لك على الاختيار المميز

تقديري ووردي

مشاهدة واقعية .. من حياتنا ..
كوب الشاي عمره ما يزيل الهموم ..

* بنت البدو *
يعطيك العافية ..
ع الطرح المميز ..
طاب يومك ..

احب مشروب عندي الشاي يمكن أستهلك في اليوم كميات كبيره


من شان كذا جيت ابي اشرب بياله مخدره تعدل الراس


يمكن ياتعدل الراس ننسى همومنا وواقعنا المرير ومشاكله


بس ماتلاحظون معي إن غالب هالمشاكل روتينيه ولاتعطل حركة الحياة


المشاكل اللي ماينفع معها باخره شاي سيلاني بكبره هي مشكلة إتفاق المسلمين على نبذ التفرق



اعجبني موضوعك يابنت البدو ويستحق هالتميز لما يحمل في طياته من معاني ساميه


صبي شاهي

... فعلا كوب الشاهي يروق الاعصاب ...

لكن مانخليه وسيله للهروب من المشاكل فينا فينا المشاكل اذا مابحثنا بحلها
تتراكم وتصبح كارثه لاكوب ولا عشرين كوب شاهي ينفع


.. موضوع يستحق التميز ..

يعطيك العافيه ,, بنت البدو ,,

تحياتي لك