آبد والله سمعت بطآري عيونكـ وجيت آغليك

يسعد صباحكم / يسعد مساكم ..
.
.
.
شاعر الانسانية واحساس العالم وصاحب القلب الاخضر

الأمير الدكتور.. (( سعــد آل سعود )) ..

(( منادي )) ينادي للحب بنـاى الحب استمعوا لحديث القلب بكل احاسيسكم

[ دائماً يعقد مواعيد الفرح في قلوبنا بلا استئذان ]



ابد والله .. سمعت بطاري عيونك وجيت اغليك
يقول القلب سلملي عليه و يطلب ووصالك

حبيبي وش تقول بعاشق قصة غرامه فيك
نسى الدنيا ومن فيها وجا ينشد عن أحوالك

حبيبي جيت لمصافح مواعيد الفرح بيديك
و جيت اعطي يمينك حب ما تدري به شمالك

اشوفك و اسمعك قبل اعرفك و اشتاقلك وابيك
وأحس أمال عمري من عرفتك تشبه أمالك

انا ماعشت قبل اعيش بحساسك وقبل اجيك
حبيبي جيتك بقلبي ولوماجيتلك جالك

احاسيسي كريمه وانت تستاهل كرم غاليك
ترى لوماأشرقت شمسك وصل..رحت اتبع ظلالك

يقولون العرب"دار بلا مغليك ماتغريك
واقول انك بليا حب كنك عايش لحالك

انا لاجيت اسولف عن شعوري قمت اسولف فيك
وانا ادري رغم كل الشوق ما مريت في بالك

دريت ان الغلا مثل القدر يرضيك لو يبكيك
ولا ينفعك بعلوم الغلا عمك ولا خالك

مابين الحلم و الواقع يصيبك حظي ويخطيك
متى تصبح نصيب اللي وقف باماله اقبالك

ولاتزعل من اللي لازعل منك رجع يراضيك
ولا تطري كلام البعد.. فال الله ولا فالك

انا لو ما تذكرتك غلا.. جاب الغلا طاريك
تعيش و تسلم لقلب على كف الغلا شالك

أطالع وجهك المشرق امل .. وعيوني تناديك
واقول الله ثم الله لايحرمني وصالك


اتمنىآ آن يرتقي لذائقتكم