السلام عليكم ورحمة الله وبركاته
هذه أبيات تعبر عن حبي لديرتي
وهي عروس الشمال لعلها تليق بمقام الذائقه الشعريه لديكم
بسم الله الرحمن الرحيم
البارحه و النوم يزمي سرابه = أبعد عن عيوني وأنا خاطري شين
من ضيقةٍ تفتح للأحزان بابه = ثارت علي و أصبح لي الليل ليلين
وقام الزمن يرجع و أذكر شبابه = وحارت دموع العين في محجر العين
على ديار العز دار المهابه = دار الكرم و الجود دار العزيزين
دار الجبال اللي تعلت هضابه = يشكي فراقه قلب هاوي له سنين
حايل لها روحي تزايد صوابه = من بعدها شفت الدهر و أشهب البين
حايل غلاها وسط قلبي سطابه = أعشق هواء حايل عشق المجانين
دار الكرم و الطيب دار القرابه = دار الطنايا بالفعايل كــــــريمين
ربعي على فعل المراجل ذيابه = أقولها و الحق مايعمي العيـــن
شـــمر لهم تاريخ كلن حكابه = بالسيف شخنا ماتبعنا الرديين
يشهد لنا منهو شاب بشبابه = وحل الكلام ديارنا مهجت العين
أكبر معالم تشهد لفعلنا به = يشهد لنا في ماضي الوقت قصرين
قصر الحكم برزان قصر المثابه = والثانيه قصر الأعيرف دليلين
و أختامها يادار أصل الرحابه = عسئ المطر يسقيك و يرويك عامين
هــــــــــ الشمالــ ــــاوي