الشاعر سعد حسين البقعاوي يتفاعل لشهامة الابطال

اخواني الاعضاء الشعر مدرسة ونحن طلاب فيها وسعد استاذنا لا تعليميا فحسب بل ادبيا
اذا كان المصطفى صلى الله عليه وسلم يقول ان في الشعر لحكمة فنحن نقول ايما حكمة
نكره بعض المدح ولو كان في محله ولكن اذا كان منه فالشعر له طراوة لا اطيل عليكم
فشاعرنا الكبير سعد حسين العمرو يتفاعل لشهامة الابطال المنقذين بعد الله للفتاه فاليكم درر قل ما نجدها في زمن اللاشعر
ياراعي الجوال صـورت برهـان=مقطع حزن كل(ن) سعى باستلامه
وقطعت قلب اللي يشوفه بالاعيان=وصورت وجه الخير وسط الجهامـه
مشهد غرق أعطى نموذج للانسان=اللي تجلّـت بـه معـان الشهامـه
فزعه شجاع وجزمة الذيب سرحان=والتضحيـه للغيـر نالـوا وسامـه
شافو ولا اعطو للفكر وقت واذعان=وعافـو حياة(ن)تقتفيهـا ندامـه
طبو شعيب الموت ياناس من شان=من شان ينعـم غيرهـم بالسلامـه
وخطّو مثل بارز على مر الازمـان=وفاة عـز(ن)او حيـاة الكرامـه

كل الشكر لك اخوي على روعه الطرح والنقل

صح لسان الشاعر والسانك اخوي على نقلك الجميل

ييستاهلون المدح من اهل المدح

تقبل مروري

ينقل للقسم المناسب لكي يطلع عليه الكثير من زوارنا

صح لسانه وسلمت ابو عابد على نقلك الطيب
يستاهلون

صح لسان الشاعر المميز

ويستاهلون الممدوحين

تسلم على النقل
وصح لسان شاعرنا الرائع ولاهو غريب
عليه التفاعل مع اهل الخير لانه من اهل الخير هو

تقديرى

Ϡ₡ईܔ ǁ|[ عبد الله البقعآوي ]|ǁ ܔईϠ₡

صح لسآنك ولسآن شآعرهآ
وسلمت آنآملك على النقل