يضــيق الــكون من حــولي إذا شفت الــحزن يغـــشاك

[poem=font="arial,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]

يضيق الكون من حولي إذا شفت الحزن يغشاك=وهمك ليلة البارح يكفي ماخذك عني
وش اللي زعلك عمري عساني فدوةٍ لرضاك=وش اللي كدر الخاطر عسى ماهو خطا مني
تركت القلب في حيره عجزت افهم سبب مسراك=سرحت بهاجس افكاري سهام الشك تطعني
تموت الفرحه في عيني أذا طريت لي فرقاك=لأني فبعدك اتألم وحزن الكون يسكني
نزفت الجرح لعيونك ودمعٍ غاليٍ يفداك=ولبست من الحزن ثوبٍ نقشت بداخله فني
حبيبي بهجة ايامي تعال ومدلي يمناك=وثقت فحبك الغالي وابد ماخاب بك ضني
اناجي بالغلا روحك وصوتٍ من وله ناداك=أبسمع أصدق احساسٍ عشقته من صغر سني
تبسم يا بعد عمري عسى الفرحه تجي دنياك=تبسم تضحك عيوني وعصافير الهوى تغني
يا سبحان الذي ابعد جميع الخلق لي وادناك=عرفت أن الهوى قسمه وربي فيك فاتني
[/poem]