السلام عليكم ورحمة الله وبركاته
احبتي
اخواني واخواتي في هذا المنتدى العظيم ( بعد حيي )
اعلم اني ثقلت عليكم شوي بكتابة ثلاث قصائد خلال ايام متقاربة
لكن ما دام الشاعر يجد امثالكم مستمعين ومتابعين على مستوى عالي من
الثقافة ولديهم الالمام الكافي بكل ما ينشر والتعقيب عليه فلا يمنع ذلك من
كتابتة عدة قصائد
اهديكم هذه القصيدة بعنوان [ انــــا والغــربة ]
أنا مكتوب ليّ أعيش .. أنا مكتوب ليّ غربه
أنا مكتوب ليّ أبعد .. عن أحزاني ولا أشعر به
أنا فعلا غريب وغربتي دايم أبفخر به
وغربة غير عن غربة وبالغربة كثير أنواع
أنا والهم والغربة تلا قـينا وصرنا أخوان
تمسكنا بأيادي بعضنا .. ما بيننا خوّان
تعودنا على بعض ومشينا سكة الحرمان
أنا والهم والغربة نمثل مجمّل الأوضاع
غريب الدار يلقى دار .. ويلقى من يعوض الجار
غريب الأهل ينسى .. مع مرور الوقت مهما صار
غريب الحب يبقى .. للأسف دايم وهو محتار
وبين الحب واللا حب يبقى عايشٍ بصراع
لفاني يلبس ثياب الأمل .. واليأس بردونه
لفاني يلبس الطيبه .. وبان الشر بعيونه
لفاني لا بسٍ ثوبٍ أبد ما هو بمن لونه
وانا اللي دايم أعرفه عنيد وطايح بالقاع
تراودني كثير أفكار .. مجنونه بحلم الليل
وأضم أيدي ولا ألقا سوى التذكار والمنديل
ألا وين انت يا حلمي .. ألا وينك يا نجم سهيل
أحاول فيه يعصاني ولكنه عصاني وطاع
أقول أحيان .. هذا الوقت ما يشري لمن باعه
وأقول أحيان .. لا يغريك .. لأني عارف خداعه
وقلبي عقب مرباعه غشاه الهم بأنواعه
حسافه انسرق وقتي وخلاني معه ملتاع
زمانك فات يا قلبي .. زمانك فات يا مسكين
زمانك فات يا حبي .. خذوه الغير والمقفين
زمانك يا زمان الحب .. كان أول ما هو هلحين
يخلف الله على المقفي .. يخلف الله على اللي ضاع
أنا ظامي وجيت أشرب من عيون الوفا وأرتاح
أنا بردان غطيني .. يا أصدق صادقه بوشاح
وخبيني عن الظلما الى من يطلع الأصباح
وخبيني عن الأشباح .. أنا خايف أنا مرتاع
لقيت إن الوفاء ضايع .. سبب ناسٍ غزو سوقه
لقيت إن الوفاء بالناس .. صار أوراق محروقه
سروبه ناس ما تحفظ مواجيبه ولا حقوقه
خساره يا وفاء .. وينك .. تشوف إن الزمن خداع
العرض الشجري
